【加拿大移民資訊站】90後媽媽分享移民後育嬰生活

【加拿大移民資訊站】90後媽媽分享移民後育嬰生活


最近移民都成為咗港人熱話,唔少人都想知道更加多移民嘅資訊,上次我哋解答咗大家對移民英國嘅問題,今次就搵嚟90後新手媽媽Liz分享下喺加拿大多倫多嘅生b經驗!

三年前,Liz同老公去咗加拿大做工作假期,之後愛上咗呢嗰地方,決定移居多倫多,上年仲喺加拿大生咗第一胎添!BB宜家七個月大喇,一齊嚟睇下佢哋嘅分享!

Liz:「呢個係我哋嘅第一胎,所以我哋都係新手爸媽,好多嘢都係零概念。我諗好多人都好奇想知道呢邊嘅醫療程序會係點,所以係呢篇文章我會略略講一講。」

發現懷孕

當你驗到自己懷孕,你就要盡快預約你嘅家庭醫生,佢會幫你確認係咪懷孕,如果係家族有任何遺傳性疾病,你亦可以係呢個時候向醫生提出,佢會轉介你去相應嘅醫院部門,繼而安排會面同測試。而且,醫生亦會問你想要邊一間醫院、搵邊一個婦產科醫生為你接生,佢會按你意願去盡量幫你安排。成事之後,大概8週-10週之後,婦產科醫生就會聯繫你,同你約第一次見面。

  • 如何揀選醫生?

至於點樣去揀婦產科醫生,由於我哋都無咩經驗,所以我哋就問下身邊人意見。但揀醫生最緊要要揀一個喺你屋企最近嘅婦產科醫生,距離太遠嘅話無論係你覆診或者係到時生仔去醫院都好麻煩。第二個方法就係上 ratemds.comgoogle.ca 搜尋Gynecologist(OBGYN),參考評分同評論。

見醫生流程、費用

每次同婦產科醫生會面,佢會要求你磅重同量血壓,確保你嘅血壓水平同體重上升情況喺咪正常。佢亦會安排測試同做超聲波。

基本嘅測試(例如:驗血、尿、妊娠糖尿)費用OHIP(Ontario Health Insurance Plan – 俗稱醫療卡)都會承保,但如果需要一啲額外嘅測試就要自己付費,或者睇吓你會唔會有公司保險可以claim。醫生會開一張form俾你,你可以去任何一間medical lab 做測試。安省有兩間比較大嘅醫療實驗室一間叫Dynacare,另一間係Life Lab。如果需要做收費嘅測試可以打去查詢下收費。

超聲波都係OHIP cover, 同樣地醫生都係會俾張form你,到指定嘅超聲波中心去照。但3D嘅超聲波係唔包括在內,需要自費。

額外疫苗/補充品

有啲疫苗同補充品(如:葉酸、孕婦維他命)醫生會建議你去打/服用,呢啲OHIP係唔會包,要自費。

報名產前班

醫院通常都有提供產前班,教吓你照顧產後孕婦、嬰兒嘅知識,通常需要收費。如果想要免費嘅資訊,可以上呢個政府網站註冊自學都得:

https://www.toronto.ca/community-people/children-parenting/pregnancy-and-parenting/pregnancy/during-pregnancy/prenatal-programs/welcome-to-parenting/

給各位新手媽媽的話

由一位湊仔新手變成熟手技工,一切都好唔容易。新手媽媽產後未復原就要兼顧照顧bb,每三個鐘就要餵一次,一日餵足八次。三個鐘頭內仲要幫bb換片、整醒bb食奶、食完奶掃風、食完氹佢瞓,可想而知休息嘅時間少得可憐。遇著佢半夜食飽後嘔奶、扭計狂喊唔停、唔願瞓,真係會覺得好躁好崩潰。

不過,當bb日漸長大,見到佢學識愈食愈快,愈長愈大,而自己亦會愈來愈熟習湊b。見到自己同bb一齊進步,其實係一件好開心嘅事。生第一胎因為無經驗,所以好多時會容易覺得忙亂同迷惘。寫下呢幾點,時刻提醒自己:

1. Relax, take it easy, take it slow 坐月的意思就是要乖乖的休息,盡可能就去坐、躺著、休息睡覺。不應站立太久,因為這會影響產後的子宮修復。產後更不應蹲下、提重物,這會導致子宮下垂。走路、做任何事都要慢慢來,不可以急。就算照顧bb嘅時候都要有耐心,唔可以操之過急,因為bb初來到呢個世界真係咩都唔識,要從頭適應係要時間慢慢學嘅。

2. Stay focused 產後睡眠不足令精神狀態,如果要兼顧太多的事情就更易產生壓力,令心情變差。為要做/未做的事情劃分優先順序(Prioritization),每次只集中處理一件事,要不然就很容易忙中有錯。

3. Design your own routine 照顧寶寶是有許多繁瑣的工序(換片、埋身/或泵奶/開奶粉餵奶、掃風、安撫bb瞓覺),但只要你熟習了這些程序,你就會建立起一套你的系統,就會愈來愈得心應手。

4. Say it when you want to 產後好容易情緒低落,會好易喊,需要人關心。有呢啲情況嘅話除咗搵另一半氹返自己,都可以搵做咗媽媽嘅朋友傾訴,因為佢哋都明白,或者經歷過呢個階段。

=====================

FB:90後加拿大移民記 • Life in Canada29+1媽媽