【HolidayMama】7間香港士多啤梨園合集!免費入場!超大粒任你摘!

【HolidayMama】7間香港士多啤梨園合集!免費入場!超大粒任你摘!


每年12月至3月係香港本地士多啤梨收成季節,捉住季節嘅尾巴,不妨帶埋小朋友去士多啤梨農場摘吓士多啤梨啦!小編一次過搜羅咗7間士多啤梨農場,有部份仲係免費入場,除咗士多啤梨仲有其他蔬果可以新鮮摘返屋企~

1)朗屏士多啤梨園

講到士多啤梨園,唔少人都會聯想到元朗!朗屏士多啤梨園嘅入場費全免,一入場就可以俾大家任摘士多啤梨啦~農場有約10款士多啤梨品種,包括紅寶石、章姬、佐賀清香、紅臉頰等等,每$90/磅起。

同場仲有其他農作物可摘,例如:日本提子、車厘茄等,全部都係按磅收費。

大家亦可以購入飼料餵飼園內小動物,俾小朋友同動物嚟一個近距離接觸!

注意事項

  • 不需要預約
  • 入園前請主動scan安心出行
  • 園內需要自行2人1組,保持社交距離
  • 園內請勿除下口罩
  • 建議入園前先自行用膳

朗屏士多啤梨園
地址:元朗大棠路大棠村
營業時間:8:00-18:00
電話:9251 8926
網址:按這裡
交通方法:從朗屏西鐵站轉K66巴士於大棠站落車

2)大棠有機生態園

大棠有機生態園設有數量有限嘅套餐優惠可以購買,每位成人$160包入場同任摘食士多啤梨券,而小童長者只需$140。

除咗士多啤梨,仲有有機香印提子($150/磅)同埋有機車厘茄($40/杯)可以摘,可以一嚐新鮮生果嘅滋味~

另一個必玩項目真係佢哋嘅「巨型滑草場」!$60就可以有得玩20分鐘,現場仲可以租借頭盔同埋滑板。滑草場設有唔同斜度同深度,有唔同嘅刺激感!而且為咗小朋友可以玩得更安全,園方更係喺人造草下而舖咗軟墊,大家可以更安心!不過要留意返,因為安全原因,滑草場只限3至12歲小朋友參與。

唔夠大嘅小朋友都有其他設備可以玩,例如:餵動物、彈彈床、遊戲車等等,喺呢度玩一日都OK!

夏天仲有荔枝可以摘㗎!

收費表:

注意事項

  • 疫情關係,馬房關閉。

大棠有機生態園
地址:元朗十八鄉大棠山道11號
營業時間:10:00-17:30
電話:2470 2027
網址:按這裡
交通方法:乘港鐵接駁巴士K66號線,於大棠山道站下車後步行約15分鐘

3)有機士多啤梨自摘園

 有機士多啤梨自摘園位於錦田鄉村俱樂部側邊,一家大細去的話可以一次過玩埋!士多啤梨園免費入場,同樣都係摘幾多收幾多,$120/磅起,有日本、法國、韓國種士多啤梨。除咗可以任摘多款種類嘅士多啤梨,仲可以去錦田鄉村俱樂部餵羊餵兔仔、玩電動車、彈床、BBQ等等。

有機士多啤梨自摘園
地址:新界錦田水尾村230號
營業時間:10:00 – 18:00pm(平日);10:00am – 22:00pm(假日)
電話:5132 5131
網址:按這裡
交通方法:錦上路西鐵站D出口,乘601特別線(假日)專線小巴,或平日在元朗乘601專線小巴,在「錦田鄉村俱樂部」下車。

4)羅氏士多啤梨園

位於白沙羅氏士多啤梨園,雖然係家庭式經營,但係除咗士多啤梨之外,仲有好多其他蔬菜生果可以採摘!入場費全免,摘幾多就計幾多!

椰菜,紅菜頭,羽衣甘藍,生菜,粟米,蕃茄⋯⋯

時令啱的話仲有得掘蕃薯同埋拔蘿蔔!

注意事項

  • 農作物容易受天氣影響,建議出發前打電話去查詢
  • 早上人流較少,可以早一點去
  • 最好穿著可污糟嘅鞋
  • 請全程戴口罩

羅氏士多啤梨園
地址:元朗僑興路白沙村第一段橋頭
營業時間:9:00-18:00
電話:2470 7981 / 9786 4218
網址:按這裡
交通方法:

  1. 來往朗屏西鐵站紅色小巴(B出口小巴站上車)
    • 車費:$7 需付現金
    • 紅Van查詢電話:94289997
  2. 39號綠色小巴(鳳琴街體育館小巴站上車)
    • 請在白沙村第一段橋落車
  3. 元朗西鐵站轉的士

5)阿方優質士多啤梨自摘園

 方優質士多啤梨自摘園位於雲泉仙館附近。入場費全免,任摘士多啤梨$68/磅,價錢化算,唔少媽媽都大讚㗎!

除咗士多啤梨,都有其他蔬菜可以新鮮自摘。

大家仲可以順道參觀旁邊「雲泉仙館」!

注意事項

  • 建議預先致電查詢

阿方優質士多啤梨自摘園
地址:粉嶺打鼓嶺坪輋路雲泉仙館後門(太歲殿)停車場則
營業時間:長期開放(建議打電話查詢)
電話:6436 1127
網址:按這裡
交通方法:粉嶺火車站C出口,乘52K專線小巴,至「雲泉仙館」下車;或在上水廣場乘79K九巴,「雲泉仙館站」下車。

6)富琴火龍果有機生態農莊

除咗元朗,喺上水都一樣有唔少農莊!富琴火龍果有機生態農莊,種有大量有機本地蔬果。園方提及最近嘅蔬菜收成非常多,特別係羅馬生菜!

香蕉、士多啤梨、番茄、車厘茄、土檸檬、大蕉⋯⋯

唐生菜、皇帝菜、羽衣甘藍、豬乸菜、茄子、西芹、黃色粟米⋯⋯

注意事項

  • 歡迎親臨富琴農莊選購和參觀
  • 可以透過Messager/電話查詢當日嘅農產品和入場費等資訊
  • 因疫情嚴峻,農家菜暫停

富琴火龍果有機生態農莊
地址:上水青山公路洲頭鴻圖路鐵坑村
營業時間:9:30-18:00
電話:6590 9268
網址: 按這裡
交通方法:乘巴士76K號線,於白石凹下車後,步行約30分鐘

7)鳳凰農場

鳳凰農場位於上水打鼓嶺,可以免費入場任摘士多啤梨,同樣都係按摘咗嘅重量收費,$80/磅。

亦有其他蔬菜!

仲新設小花路!

注意事項

  • 不可在田中進食
  • 入場必須戴上口罩

鳳凰農場
地址:新界打鼓嶺蓮麻坑路168號
營業時間:07:00-18:00
電話: 6219 4955
網址: 按這裡
交通方法:

  1. 由上水站公共小巴總站乘搭小巴59K前往打鼓嶺(叫在嶺英小學路下車),即到達鳳凰農場
  2. 由上水站公共巴士總站乘搭79K至打鼓嶺警署下車,往蓮麻坑路步行5分鐘,即到達鳳凰農場
  3. 駕車由上水站出發約15分鐘

圖片來源:各官方網站