【2020新年去處合集】全港12個好去處!著埋新年裝去打卡啦!

【2020新年去處合集】全港12個好去處!著埋新年裝去打卡啦!


今年新年咁早,唔知大家準備好未呢?相信唔少爸爸媽媽都會準備咗新春裝俾小朋友,竟然係咁,除咗著去拜年緊係要搵個靚靚地方打卡紀念一下啦!今次小編幫大家搜羅咗全港九唔同嘅打卡點,就算去到遠一遠拜年,都有好地方去啦~

新界區

東港城

Cheers to the New Year 芝味開運工廠

今年鼠年,緊係唔少得鼠嘅元素啦!講到鼠就一定聯想到芝士~現場有五大巨型遊戲裝置!除咗有小朋友最愛嘅波波池,仲可以感受一下小倉鼠體驗,跑小滾輪,一齊轉運!

日期:2020年1月17日至3月1日
時間:11am – 9pm
地點:東港城1樓中庭(港鐵坑口站A1出口)

馬鞍山廣場

【KUROMI吉運臨門新年村】

Kuromi x 中式新年,過一個超粉嫩又可愛嘅新春~2.5米高超巨型風車加上應節年花圃,祝大家過個好年!仲有互動遊戲等住大家玩!消費滿指定金額仲可以換領Kuromi利是封、Kuromi新春連帽斗篷,超可愛啊!另外仲有DIY立體賀卡工作坊
親手製作賀卡送俾身邊嘅親友啦!

日期:即日至2020年3月1日
時間:11:30am – 10pm
地點:馬鞍山廣場L2天幕廣場(港鐵馬鞍山站A出口)

荃灣廣場

【福氣滿滿福滿園】

打卡必去超浪漫13米長「幻彩福字步道」,由2萬個「福」字組成,成為至有福氣嘅一家人啦!仲有少女感十足嘅「福氣滿滿櫻花園」,小朋友著埋新春裝喺樹下許願,又浪漫又有氣氛~

日期:即日至2020年2月16日
時間:星期一至五: 上午10時30分至晚上10時
星期六、日及公眾假期: 上午9時至晚上10時
地點:荃灣廣場L5 太空樂園

上水廣場

【幸福.花見】

最有藝術感嘅新年!以「花宴」作為主題,用咗Table Mapping 光效互動裝置,俾大家用味覺以外去享用奇幻嘅《花之饗宴》!喺呢度,仲可以影到非常靚嘅花海照片~另外仲有「喜雀」心形打卡位,兩公婆同埋阿B一齊影相,甜甜蜜蜜過2020!

日期:2020年1月18日 (六) 至2月29日 (六)
時間:9am – 10pm
地點:上水廣場2樓中庭 (上水港鐵站A4出口)

九龍區

黃大仙中心

【新春開運購物祭】

黃大仙最出名就緊係黃大仙廟!新一年大家都會想預測下今年運程點樣,今年除咗可以去黃大仙廟求簽,喺黃大仙中心仲有好多中西唔同嘅占卜攤檔,例如八字算命、紫微斗數、掌相面相、塔羅牌、新派的骰子或茶葉運程等等!祝大家都求到上上簽,小朋友學業進步,大家呢一年都順順利利啦~

日期:2020 年 1 月 11、12、18、19、25 日至 2 月 2、8、9 日
時間:下午2時至7時
地點:黃大仙中心北館2樓(海馬牌對出)

荷里活廣場

【水引風鈴祭】

唔使出國都可以體驗到和式新年!荷里活廣場引進咗日本特色節日「水引風鈴祭」,展出超過300個精緻日本傳統水引風鈴,同場仲有5米高巨型「新春開運許願風鈴」、「幸福水引風鈴桃花園」同「風鈴藝術鏡屋」,一齊許個新年願望啦~另外仲有得俾大家親自製作水引風鈴,感受一下傳統日本文化!

日期:即日至2020年2月16日
時間:中午12時至晚上10時
地點:鑽石山荷里活廣場一樓明星廣場

朗豪坊

【朗豪坊 x LEGOR 十二生肖「喜」勢跑】

今次朗豪坊同LEGO合作,展現咗12生肖嘅故事俾大家睇!除咗有打扮成生肖嘅lego人仔,仲有參考咗12生肖故事嘅互動遊戲可以玩!帶埋小朋友去了解生肖嘅傳說,順便打卡留念啦~現場仲有LEGO®期間限定店,朗豪坊LP CLUB會員仲有得獨家換領全港限量1,000件嘅樂高®開運桃花添!

日期:即日至2020年2月9日
時間:11am – 10pm
地點:朗豪坊4樓通天廣場

尖沙咀中心及帝國中心、中港城

【2020年農曆新年燈飾亮燈時間】

新年又點少得睇燈飾呢?一家人行吓海傍,睇吓香港咁靚嘅夜景,再睇睇以新年祝福為主題嘅燈飾,絕對係最適合家歡嘅活動!

日期:即日至2020年2月8日
時間:晚上6時至11時 (*農曆年三十及農曆年初一之亮燈時間將稍為延長)
地點:尖沙咀中心及帝國中心、中港城平台

The ONE

【The ONE x Sumikkogurashi角落小夥伴-角落新春派對】

超人氣角色角落小夥伴™今次換咗俏鼠裝同大家見面!白熊嘅達摩同舞獅造型更係香港先見到㗎!真係超可愛啊~現場仲有期間限定店售賣日本搜羅返嚟嘅多款角落小夥伴精品!粉絲們快啲去辦年貨、打卡啦!

日期:即日至2020年2月16日
時間:10am-11pm
地點:香港尖沙咀彌敦道100號 (港鐵尖沙咀站B1出口)

海港城

【甜蜜常滿】

講到話商場主題裝飾,當然唔少得海港城!今年海港城呢個超巨型全盒,造型可愛又有唔同寓意~影返張相,今年都會順順利利!另外都有限量版利是封同利是袋可以捐款換領,造型咁靚,快啲收藏一個啦!

日期:即日至2020年2月9日
時間:上午10 時至晚上10 時
地點:海港城海運大廈正門大樓梯

港島區

銅鑼灣利園區

福氣滿載迎新春

鍾意Sanrio角色嘅你就一定唔可以錯過啦!即日去到24號(即係年三十)《Sanrio characters新春市集》有盡各式各樣Sanrio角色造型嘅年貨、新春食品俾大家選購!當然仲有好多Sanrio角色打卡位同新春主題佈置~勁有新年氣氛添!

日期:即日至2020年2月23日
時間:上午10時至晚上10時
地點:香港銅鑼灣軒尼斯道500號希慎廣場

皇室堡

【皇室堡x Pete and Gulu華麗新春盛宴】

人氣小企鵝Pete and Gulu由南極遠征嚟到香港啦!佢哋更加係入鄉隨俗,著埋新年福鼠裝同大家一齊賀新年~現場仲有個4.4米高「巨型新春賀年全盒」、帶領舞獅團嘅Gulu同變身成湯圓嘅Pete俾大家打卡留念,一齊甜甜開心過新年啦~

日期:即日起至2020年2月16日
時間:上午10時至晚上10時#
地點:香港銅鑼灣告士打道311號 (港鐵銅鑼灣站E出口)
#實際活動時間或因配合其他活動而延遲,請留意場內告示或於地下顧客服務中心查詢