【至健康新年!】營養師推介8款賀年全盒零食

【至健康新年!】營養師推介8款賀年全盒零食


大家辦好年貨未呢?講到年貨,就緊係唔少得全盒!但傳統全盒嘅配置,例如朱古力、開心果啊、糖等等,全部都好高糖、高油,擔心小朋友食得唔健康?睇吓點樣可以健康過年啦!註冊營養師謝詠瑩Gloria推介咗8款低卡路里健康零食,味道唔錯之餘,又有營養,不妨參考下啦!

MySweets蒟蒻啫喱(多種口味)

MySweets蒟蒻啫喱有多種口味,茶味嘅啫喱都比較少見,大人小朋友都會鍾意!當中桃味/提子味嘅EX系列特別高纖,食三粒已經有多過一個橙嘅纖維!想腸道暢通嘅朋友可以考慮多啲!

Fifty 50 硬糖

始終糖都係全盒嘅靈魂所在,點都係要有佢份嘅~但大家可以選擇一啲無糖嘅糖!好似呢一款Fifty 50硬糖,分別係奶油糖同雜錦糖,兩款標明是無糖糖~

小老板紫菜卷(辣味)

全盒入面緊係唔少得香口嘢!好受香港人歡迎嘅小老板紫菜,都係一個唔錯嘅選擇!食三條先至當半份五穀,啱晒啲鍾意食辣嘅朋友!

四洲蝦餅

6包蝦餅=1份五穀!呢款迷你獨立包裝版嘅蝦餅,除咗可以方便放入全盒,仲可以更易控制食量!仲可以一次過試勻幾種口味添~

煎屋 手焼パンダの里

造型夠晒可愛!送俾小朋友就最啱啦~1塊=1分五穀!

春日井 芥末豆

豆類、果仁類就最受歡迎!兩包就係一份五穀啦!

龜田製果 海苔米餅

一家人邊睇電視,邊食米餅就剛剛好~五片當一份五穀!

DENSUNDO 蝦餅 – 海膽芝士 (8pcs)

海膽芝士口味!三片當一份五穀~

內容授權:註冊營養師Gloria – Nutri Life