【搞笑爸爸】哄阿B瞓覺  點知瞓先嗰個係爸爸  仲要姿勢咁騎呢

【搞笑爸爸】哄阿B瞓覺 點知瞓先嗰個係爸爸 仲要姿勢咁騎呢


相信好多媽媽都會覺得,老公有時肯幫忙氹BB瞓覺的確好感動同窩心,一個幫忙代表咗老公同自己講:you are not alone!

特別係見到隻大魔怪同小魔怪,兩個一齊喺床上熟睡,即刻覺得,作為老婆同媽媽,一切辛苦都值得!

不過咪住!咁浪漫溫馨嘅情節,似乎喺韓劇先成日會出現喎!呢位媽媽都深深覺得,唯美就冇我份啦,騎呢就有我份~

佢老公次次話哄BB瞓,點知自己都係第一個瞓著覺,仲要將阿B擺到騎騎呢呢,真係激到呢個媽媽哭笑不得呀!


你睇吓阿B見到瞓到豬一樣嘅爸爸,都覺得好無奈呀。喂喂,你有冇諗過阿B嘅感受呀?


阿B一隻腳仔仲俾褲仔包住!!咁樣就瞓著咗,可唔可以擺返阿B上床仔先呢?


呢位爸爸⋯⋯瞓覺都不忘捉住阿B隻腳仔⋯⋯保護佢!都算sweet嘅~不過媽媽就埋怨,老公睡著牽住BB都唔牽佢~

最後見到阿B都算整齊係床仔上面瞓,都算合格啦!雖然呢位豬孩友就自己瞓到大細路咁~

睇嚟下次老婆都要抱埋佢去訓啦!

============================================

圖片授權:楊智雄@  ●【爆怨公社】●