現今的母乳媽媽，個個為上奶攪盡腦汁！媽媽們要盡快上奶，除咗要比BB埋身多吸啜及上奶湯水之外，其實仲要多方面配合，至可以輕鬆上奶！各位母乳媽媽可以參考以下小貼士。

(一) 37週後按摩乳房：媽媽響懷孕後期約37週之後，每天沖涼及臨睡前都要按摩下乳房，咁就可以幫助暢通乳線。不過知道有d媽媽會擔心按摩乳房會引起宮縮問題。其實唔會架，只要力度適中，用中間三隻手指打圈輕柔就可以了，唔洗用好大力按壓。若然按摩後有任何不適，當然要立即停止。乖乖做足通乳準備，到上奶時就可以暢通無阻！

(二) 飲通草黑豆陳皮炒米茶：產後頭一星期要日日飲，每天最少要十杯。炒米茶連同其他湯水先至足夠每日既水份，咁先至可以製造充足母乳

(三) 多吃上奶食物，如木瓜、萵荀、勝瓜、花生、豆腐、黑芝麻及所有豆類。

(四) 每次餵奶前後都要飲用一大杯暖水或炒米茶。

(五) 定時泵出乳汁：就算BB瞓咗覺，暫時無需要餵哺母乳，媽媽仍要每隔2-3小時泵出母乳，尤其是脹奶時候，唔係就好容易塞奶。

除左以上方法，大家都要記住上奶五大要訣：補充水份，充足睡眠，均衡營養，要有信心及努力堅持。

母乳媽媽，記得要放鬆心情，唔好比咁大壓力自己。一齊加油啦！

 

 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝

 作者：資深陪月員Rainbow