【HolidayMama】深度認識香港三大集水區!網上導賞認識生態&歷史!聲音導航集水區行山路線

【HolidayMama】深度認識香港三大集水區!網上導賞認識生態&歷史!聲音導航集水區行山路線


你知唔知香港有成1/3嘅土地面積係集水區?呢幾年因為疫情,唔少家庭都愛上去郊遊,而水塘附近嘅路線更係大受歡迎!但你又有無深入認識過集水區呢?賽馬會最近就推出「集水區網上導賞團」以網上形式帶領大家遊歷三大集水區,同大家一齊深入了解集水區嘅生態、人文同歷史!

除此之後仲有聲音導航自助遊,聽住DJ彭晴靚聲帶大家去12條集水區路線,超級適合各位家長參考㗎!

探索集水區生態、人文、歷史

雨水從天而降,經天然溪澗或引水道流入水塘,成個收集水範圍稱為「集水區」。香港集水區面積約30,000公頃,佔全港約三成土地面積,大部分範圍都係郊野公園,除咗可以保護水資源,同時造就了多元化的生境;孕育出豐富嘅生物多樣性。水與生態,互惠互利,密不可分。

呢個「網上導賞團」揀選咗三大人氣集水區,各具特色,包括最具歷史氣色嘅「大潭水塘群集水區」,百年水務建築比比皆是,更是全港獨有嘅「四塘一體」設計;堪稱擁有最美風光嘅「船灣淡水湖集水區」,係世界首個由海灣改建而成嘅大型水塘;本地遠足及旅遊熱點之一嘅「城門水塘集水區」,當中白千層隧道、賞蝶園、八村遺跡、石乪遺跡……特色處處!

大潭水塘群集水區
船灣淡水湖集水區
城門水塘集水區

綠色力量將會透過鏡頭帶領大家遊走不同集水區嘅山林和溪流之間,認識當中生態同歷史,解構「水與生態」之相互關係。原來維持生態與穩定水量及提升水質有莫大關係!亦會從「生態系統服務」概念,探討人們如何受惠於生態帶給我們的有形和無形好處。

綠色力量「集水區網上導賞團」

日期:5月27日/ 28日/ 29日;6月10日/ 11日/ 12日
地點:城門水塘集水區、大潭水塘群集水區、船灣淡水湖集水區
時間:下午4:00至5:15
費用:免費
截止:5月20日
活動詳情及報名:www.greenpower.org.hk/JC-FLOW/tour
查詢:3961 0200(綠色力量)

集水區網上自助遊-DJ彭晴靚聲導航 專家幫你辨認生物

綠色力量另設集水區網上自助遊,分別喺城門水塘集水區、大潭水塘群集水區及船灣淡水湖集水區,各規劃4條、共12條路線,涵蓋歷史、地貌、尋蝶、賞花、水務……等等不同主題。每條主題路線設有7-11個景點,配上文字介紹同精美相片,更有DJ彭晴靚聲導航。而且每條路線都附設地圖同交通詳情,啱晒各位家長參考啊!

喺路途中遇上各式各樣嘅動植物,大家仲可以影低相,紀錄拍攝日期同地點,上載到綠色力量喺「iNaturalist」呢個手機APP所設立嘅《賽馬會「集水成自然」教育計劃》專案,就會有專家幫大家辨認生物,仲可以睇到由其他市民共同譜寫嘅集水區生物圖鑑𠻹!