【HolidayMama】走進大自然!拜訪罕見動物!認識生態!狨猴x豹貓x貓頭鷹x鱷魚

【HolidayMama】走進大自然!拜訪罕見動物!認識生態!狨猴x豹貓x貓頭鷹x鱷魚


嚟到夏天,最啱就係一家大細去玩!今日我哋泰然一家嚟到嘉道理農場暨植物園,一齊嚟睇吓花花草草同小動物啦!Let’s Go!


Mama特派員 – 泰然爸媽 &泰然
Facbook:泰然爸媽 Tori Story
Instagram:ourtoristory

嘉道理農場出名就係大!除咗山腳地區,仲有上山區!今日我哋就主攻山腳區,大家不妨都可以跟住我哋嘅腳步啦~

映日園動物展覽館

第一站我哋就去咗「映日園動物展覽館」!呢度嘅動物大部份都係非法捕獵後運送出境販賣途中拯救出嚟!

可愛嘅狨猴!我哋人類要好好保護佢哋啊~

幽靈竹節蟲,除咗外型好似枯葉一樣,佢哋仲會模仿枯葉被風吹過而擺動嘅樣!

呢條雄性黑白泰加巨蜥仲有一個好型嘅名「太極」!

多啲留意四周,都有好多可愛嘅大自然風景~

生機園及一斗田

生機園為我哋示範咗點樣喺市區入面實行有機種植!好想喺屋企都整返個花園!

只需要每星期工作10小時,就可以供到一年5人份嘅蔬菜,好厲害!

爬行動物花園

咁大隻蜥蜴真係第一次見啊!我哋仲好好彩咁可以近距離見到佢!

當日嘅太陽都幾猛,所以行多兩行都有啲餓。園入面隨處都有涼亭同埋枱櫈,大家可以坐低休息,食少少嘢~

有可能會見到野生馬騮!記得唔好亂餵啊~

最後我哋喺藝舍後面搵到個涼亭,涼涼地啱晒休息,加食啲嘢補充吓體力!

Fred & Chloe 奶源來自法國同係當地包裝,全部不含防腐劑及抗生素。利用高溫技術係短時間內加熱,可以保留牛奶營養,唔洗放入雪櫃都Keep住新鮮,而且保存時間更長。

泰泰仲第一次親自執鏡Go Pro,睇起上嚟又幾專業~

如果大家想食多啲,亦都可以去「素食亭」用餐~

野生動物圍

如果天氣好,就有機會見到鱷魚曬太陽嘅身影~

仲有遠遠就可以望到嘅紅鸛啊!

我哋仲咁啱見到工作人員餵龜嘅情況!啲龜龜會互相疊起爭嘢食嘅畫面真係好盞鬼!

鸚鵡護理中心

想聽到鸚鵡講嘢真係好考運氣!我哋就屬於好彩嘅人啦!竟然真係聽到佢講Hello啊~

天翼居

有好鍾意「講嘢」嘅八哥~仲有其他獲救雀鳥!

之後我哋行咗個大斜路上咗少少山,係泰泰人生中行過最斜嘅斜坡!可以自己行到上去真係好叻女啊!

艾先生猛禽護理中心

考吓大家眼力~貓頭鷹喺邊度呢?

葛先生花園

行過小橋流水,感受大自然氣氛~

淡水生物屋

又嚟到考眼力時間!

爬行動物屋

係蛇脫皮後個層皮!

仲有真嘅綠樹蟒~

本土哺乳動物屋

本土嘅野生豹貓,比起家貓又真係多一份英氣~

農場小賣店

可以去小賣店涼吓冷氣之餘,仲有呢個必試嘅飲水機!
呢個飲水機嘅水係由山上面嘅溪水過濾而成,飲落去真係同出面嘅水味道唔同!特別清甜~

仲有好多特色手信可以買~(連新鮮有機蔬果都有得買!)

今日可以一家人見到唔同動物之餘,仲可以教到泰泰好多保護動物嘅概念,真係好有教育意義㗎!順帶一提喺唔同季節仲可以嚟呢度賞到唔同嘅花𠻹~

今日就去到呢度,下次再帶大家去其他親子好去處啦!

活動資訊

嘉道理農場暨植物園
地址:大埔林錦公路
開放時間:星期一至日 早上9時30分至下午5時正
官方網站
收費:

設有廁所

注意事項:

  • 現場較多蚊蟲,請做好防蚊措施