【HolidayMama】親子行山初體驗!靚景BB級行山路線 + 十大打卡位

【HolidayMama】親子行山初體驗!靚景BB級行山路線 + 十大打卡位


【靚景嬰兒級行山路線 + 十大打卡位】

🏃🏻‍♂️🏃🏻‍♀️ 今日同大家介紹呢條行山路線,唔單只係BB級,而且沿途風景好優美,充滿影相位!! 鹿頸至谷埔以平路為主,來回約三小時,真係好岩無咩行山經驗,有幼兒/老人家既家庭~~ 由於係沿路折返,家長都可以按小朋友能力,決定幾時行返轉頭!

🚗如果開車去,真係建議要早過九點到達,因為車位真係唔多! 當天我地都見到有警察抄牌,所以大家都好可以考慮坐交通公具。泊車可以泊係雞谷樹下/發記士多 (記得唔好格硬來,阻礙居民出入)

出發!!

🌱打卡位一: 開始行10分鐘就來到海邊既紅樹林小徑,而對岸就係對面就係深圳鹽田區。早上黎到,水面非常平靜。下午就會有浪。

🌳打卡位二: 之後就到一個樹林,亦都係唯一有上及落梯級的地方 (不過亦不算大長)。呢個樹林都係我覺得幾靚既大卡位。

打卡位三: 落梯級及行10分鐘就到盈佳茶座,可以試佢既客家黃酒雞同炆豬肉,不過而家因為疫情就無做生意。呢度亦係比較企理既公廁 (沿路其他流動手洗間真係太….)

🏡打卡位四: 來到鳳坑村,我真係覺得好似圖畫,不過而家遊人唔可以入去鳳坑村。

💡 打卡位五: 11號碼頭有一座白色既燈柱,因為有d歐陸風情,漸漸成為唔少人既打卡位!

打卡位六: 之後就係長長既石灘,不過家長要注意,地上全部都係蠔殼,小心介親! 沿海仲有唔少既岩石,可以比小朋友行下岩石,我個人覺得係好好既解難訓練!!

打卡位七:行多25分鐘左右就黎到「宋伯山水豆腐花」,除左可以試佢既豆腐花之外,仲可以試下佢既紫薯同南瓜餅,大肥話好好食wor!! 而且個景真係一流!!

🏫打卡位八: 大家唔好miss左右手邊小路入既「啟才學校」,佢其實一間荒廢左既小學,亦都係三級歷史古蹟黎架!

🌾打卡位九: 學校前面就係黃金蘆葦田。秋天日落既時候就會出現一大片金黃色的大片蘆葦田! 不過大家就留意,蘆葦田位置其實有D遠,而且全部泥地,所以都唔可能行入去! 不過遠遠地睇都好靚呀! 🌾🌾🌾🌾

打卡位十: 再行前少少就係谷埔村! 係岩石影下相打下卡就可以沿路折返!

因為我地早開始起步,中間亦係宋伯食左D野~
回到起點差不多1:30,亦都係食lunch既時間~
好多人都會去BB茶餐廳,不過我上次去過,人比較多,所以比較推介發記士多。

🍴 發記士多又乾淨,都冇好好服務超好 (婆婆幫我地用熱水洗小朋友餐具!) 平日有公仔麵、多士嗰啲,不過假日有All Day Breakfast 同 Beef burger!!! 十分推介佢個椒鹽炸燒賣,未影相已經食哂~~~

我真心推仲既原因,仲因為佢好環保,提醒大家唔好浪費食物、用環保飲管、仲有做垃圾分類~ 手洗間都好企理!!! 👍🏻

發記士多
網址: https://s.openrice.com/QrbS03q8A00~uD93nAw
地址: 粉嶺沙頭角雞谷樹下村3號地下

======================

「我不希望為了方便、乾淨、或自己的舒適便剝奪了妳們在大自然𥚃探索自己和認識世界的機會」

FB:悅.熹.遊