【HolidayMama】踏浪艇初體驗!小朋友都玩得!新鮮戶外活動超好玩!

【HolidayMama】踏浪艇初體驗!小朋友都玩得!新鮮戶外活動超好玩!


【夏天的尾巴: 踏浪艇初體驗】

本來以為已經要暫別今年同水上活動,點知今個星期天氣都幾好,我哋就去咗玩踏浪艇。 🛶

🛶 由於帶小肥分別係六歲同五歲,所以唔需要用雙人艇,只需要用單人艇。大人踏,小朋友可以坐船頭或者企喺大人後邊 (‼️注意,係冇一個座位俾佢坐,所以要衡量下小朋友係咪坐得定) !

另外,單人艇比較重新,相對來講比較穩陣,但同時亦都較為費力另外,單人艇比較重身,相對來講比較穩陣,唔容易翻艇,但同時亦都較為費力!
小學4年級,身高135cm或以上可自己使用單人艇 🛶

************

去到之後,教練同我哋仔細解說。起初我以為踏浪艇同水上單車好似,但其實都好大分別。踏浪艇唔係「單車轉」,而係不停踏踏踏。

🏖️另外,教練都介紹咗幾個地點俾我哋去,可以去對岸嘅羊洲 (海龜島) (15分鐘)、三門仔魚排(30分鐘)可以去水中天餐廳食飯、遠小小嘅馬屎洲(45分鐘)。馬屎洲係一個特別地區,有一個靚沙灘有一個靚沙灘。可惜今日體力不支,去唔到😖😖 專業級嘅可以去埋烏溪沙沙灘🏖️

換完衫之後,就要穿上救生衣!規定無論大人小朋友都一定要着救生衣🦺 之後將個人物品放喺艇會,就可以出發!

距離岸邊40米都係淺水區,需要用漿扒出去!去到40米之後,就可以裝上腳踏,用腳踏推進。起初我以為用腳,應該唔太辛苦,但係原來我嘅四頭肌真係幾弱😅😅
踩到馬屎洲已經差不多四點!由於五點前要交還艇(因為六點天已經全黑),所以我哋就決定放棄去沙灘,喺海中picnic 😎

回程嘅時候,本來以為輕鬆啲,點知原來則流,所以都幾吃力😅扒開龍舟既我,決定唔用腳,用手扒🤪

回到艇會就可以沖身🚿

************

☀️☀️ 雖然而家仲係秋天,但係防曬真係要做足😎

除咗太陽油之外,記得要帶闊邊帽、長袖防曬衣及長褲!仲有記得帶防曬傘🌂 隻腳喺度踩,其實隻手都冇咩用😝

今日老公就準備咗冰凍嘅蘋果🍎🍎🍎俾我哋食🤤🤤 建議大家都可以帶雪冰左嘅飲品🥤同埋小食!雖然唔翻艇理論上係可以唔濕身,但我都建議穿着泳衣🩱

其實附近仲有好多燒烤嘅地點可以選擇 🔥 所以如果有體力嘅話,可以燒埋嘢食先走😝

大家趁冬天未到,就快啲去一次啦!

活動資訊

踏浪艇協會喺大美督燒烤王再入。架車人士可以揸車因為有免費泊車🚗
觀看場地介紹youtube短片, 有介紹交通路線

======================

「我不希望為了方便、乾淨、或自己的舒適便剝奪了妳們在大自然𥚃探索自己和認識世界的機會」

FB:悅.熹.遊