【HolidayMama】夏天出門走走!入門級行山X超清石灘!

【HolidayMama】夏天出門走走!入門級行山X超清石灘!


【石澳後花園 🏖 】

石澳係香港人嘅後花園,未有疫情之前,已經好受香港人歡迎。入夏之後未夠七點都已經冇車位,九點前私家車都唔可以入😧😧 所以今日我哋選擇搭的士!

我哋9:00來到沙灘已經好多人!如果想避開人潮,可以步行到有名嘅情人橋嗰邊(小童步速15分鐘)。

一路行入村其實都有好多影相位,就係啲人影婚紗相嘅地方 👰🏻

行去情人橋嗰邊,雖然冇沙灘,但係石灘對於我哋嚟講,人少少都唔錯😊 小朋友冇沙玩,但係掉下石仔都好開心🥳 不過如果選擇過嚟呢邊,就要帶定凳仔,因為冇地方坐,另外都要帶定大毛巾,方便小朋友換衫😊

如果天氣唔太熱,其實可以行上小山上面,當做下運動都唔錯㗎!而且風景非常優美👍🏻👍🏻

======================

「我不希望為了方便、乾淨、或自己的舒適便剝奪了妳們在大自然𥚃探索自己和認識世界的機會」

FB:悅.熹.遊