【HolidayMama】偽韓國壁畫村之旅!超有童趣彩虹樓梯x現代文青壁畫

【HolidayMama】偽韓國壁畫村之旅!超有童趣彩虹樓梯x現代文青壁畫


好想去旅行啊!雖然依家仲未可以周圍飛,但係就算喺香港,都可以有去韓國嘅感覺!今日我哋泰然一家就決定嚟一個壁畫打卡之旅!即刻跟住我哋嚟啦~


Mama特派員 – 泰然爸媽 &泰然
Facbook:泰然爸媽 Tori Story
Instagram:ourtoristory

光板田壁畫村

一見到彩虹色嘅樓梯,就知道無去錯地方啦~

第一站我哋就嚟到位於荃灣嘅光板田壁畫村呢個隱世打卡地點!唔講真係唔知香港竟然有咁得意嘅壁畫村啊!

呢度啲壁畫都係由義工團體綠腳丫嘅兒童社區探險隊同埋村民合力完成!

小蜜峰嗡嗡嗡~~

打卡位一:彩虹樓梯

沿住彩虹樓梯一直行,周圍都有手繪嘅壁畫!

顏色豐富,就算當日天陰陰影出嚟個效果都係好靚!

打卡位二:童話小屋

呢個「童話小屋」就係呢度嘅招牌打卡點啦!

記住呢度係民居,要保持安靜以免對居民造成滋擾啊!

打卡位三:小豬樓梯

一齊數吓相入面有幾多隻豬仔?

打卡位四:大樹菠蘿壁畫

光板田村出名盛產大樹菠蘿,所以唔少壁畫都係同大樹菠蘿有關㗎!

呢度每年仲會舉辦大樹菠蘿節,有興趣嘅朋友可以留意一下!

打卡位五:蜂巢壁畫

壁畫上面仲有另一個光板田村特產:蜂蜜!將小窗口變成「蜂巢」真係好有創意!

行到嚟呢間藍色屋就係盡頭啦!大家可以沿途出返村口,逗留一陣已經影咗好多靚相啦~

我哋仲好好彩見到松鼠𠻹啊!

村口有公共洗手間,遊客都可以使用!

南豐紗廠

行完光板田村,如果覺得唔夠喉,仲可以去埋南豐紗廠!

同光板田村唔一樣,呢度就充滿現代文青風格嘅壁畫!

3/F 紗廠公園

行到攰,都可以坐低唞唞,食啲嘢!爸爸媽媽仲可以坐低飲杯嘢~

每日一杯 Fred & Chloe 牛奶,無論大人定小朋友都可以補充豐富營養!

有好多位置可以坐低!

而且呢度都有個可以打卡嘅大型藝術作品!

竟然俾我哋搵到「泰」字!即刻同泰泰影返張相先!

喺商場入面除咗有好多cafe,仲有好多文青小店,啱晒一家人去閑逛,拍吓拖!呢度間唔時仲會舉行市集𠻹㗎~

唔淨只啱大人行,仲有小朋友最愛嘅室內遊樂場啊!

周圍仲會有有關紡織業同紗廠相關嘅知識同歷史~

有育嬰設施

今日一次過去晒2種Style嘅壁畫打卡熱點影相!有排俾我哋Post相啊~

想睇更多親子好去處介紹?記住留意ilovemama啦!Byebye!

活動資訊

光板田壁畫村
地址:荃錦公路近光板田上村二段
交通:港鐵荃灣站A出口乘搭51號巴士到光板田村二段落車;或到荃灣川龍街小巴站乘搭80號小巴,到光板田上村二段落車;或從港鐵荃灣站步行約20分鐘;亦可以乘搭的士,喺Google Maps輸入「光板田村二段」就係壁畫集中地

注意:

  • 村內植物比較多,請做好防蚊措施
  • 請保持安靜
  • 請將自己嘅垃圾帶走

南豐紗廠

地址:香港荃灣柴灣角白田壩街45號
開放時間:10:00-22:00