【出生體重存摺】日本父母流行 用存摺記錄BB成長!

【出生體重存摺】日本父母流行 用存摺記錄BB成長!


近年喺Instagram,日本爸爸媽媽流行一個新話題-「出生體重儲蓄」(#出生体重貯金)!唔少年輕父母為BB開設一個銀行戶口,然後存入同BB體重一樣嘅金額、生日、身高等等嘅數據~去記錄BB嘅成長啊!

佢哋利用銀行轉帳可以更改轉帳者名稱嘅功能,標籤出每項金額代表嘅記錄。
好似下圖就係-出生年份:2019,出生日期:7月2日,時間:下午三點,體重:2740g,身高:48cm

在 Instagram 查看這則貼文

jun♡baby(@jun_baby._)分享的貼文 張貼

在 Instagram 查看這則貼文

HARURIO(@harurio5.2)分享的貼文 張貼

潮流起源

呢個記錄成長方法原來係源自一個郵局廣告!廣告入面嘅銀行職員見到客人第一筆存款係「5,123」呢個咁特別嘅數字,好奇一問,原來係客人爸爸媽媽為佢開呢個戶口時,存入咗同佢出世時體重相等嘅金額!雖然客人因為咁好怕醜,但睇到父母為佢存款嘅片段,都覺得好溫馨啊!

呢個潮流發展咗一段時間,爸爸媽媽都玩出唔同花樣!

呢個媽媽留低想對BB講嘅message!

在 Instagram 查看這則貼文

@wyutra 分享的貼文 張貼

有啲爸爸媽媽仲會入埋BB嘅頭圍、胸圍入去添!

在 Instagram 查看這則貼文

angelog(@angeloog1)分享的貼文 張貼

因為喺日本開戶口係需要印章嘅,唔少爸爸媽媽都會趁機幫小朋友刻一個專屬嘅印章~

有啲媽媽每個月都會為小朋友量一次重,呢位媽媽已經堅持到小朋友4歲啦!

做呢個記錄都唔客易㗎!每一次記錄都要轉一次數,會耗費好大量嘅時間同耐心⋯⋯但都有唔少父母堅持多年!對BB真係好用心啊!不過都提醒個位,因為要喺提款機輸入字詞都幾費時。最好喺人量無咁多嘅時間先去轉帳,會比較好~

在 Instagram 查看這則貼文

tomomi.(@_0403himapi)分享的貼文 張貼

另外都有父母會直接用筆喺存摺寫上記錄嘅項目名,或者想對BB講嘅話。好似呢個媽媽就留咗句「多謝你嚟到呢個世界」比BB,好sweet啊!(但書寫前,最好先問一問銀行職員可唔可寫喺存摺,以免他日因為咁存摺用唔到⋯⋯)

在 Instagram 查看這則貼文

︎kozu(@gin_unda)分享的貼文 張貼

比較可惜嘅喺,香港依家開戶口多數都唔會附送存摺啦⋯雖然可以用電子轉帳,再輸入備註,但始終同有一本簿仔,可以實體記錄個感覺唔一樣嘅!
日本嘅小朋友,長大之後收到呢本存摺一定會感受到當年父母對佢成長嘅祝福同期待啊~唔知大家仲有無其他有趣嘅方法去記錄小朋友嘅成長呢?