【養胎/坐月食療】滋補花膠牛奶燉鵪鶉@PregnantMama

【養胎/坐月食療】滋補花膠牛奶燉鵪鶉@PregnantMama


花膠含有大量骨膠原、豐富嘅蛋白質、磷質同鈣質,脂肪含量極低,有滋陰固腎嘅功效。在懷孕期間食花膠有助長胎,為胎兒補充足夠嘅營養,對產後媽媽亦都有助恢復元氣,尤其手術後有助傷口恢復至癒合。

鵪鶉素有“動物人蔘”之稱,對大人小朋友都好有幫助。因為佢有豐富蛋白質,膽固醇含量較低嘅特點,係好好嘅補品,對於體弱者亦都有補益強壯嘅作用。

所以花膠配合鵪鶉加埋豐富營養嘅牛奶,絕對係一個滋補,營養豐富嘅燉品 。唔單止孕婦 ,甚至產婦,小朋友,女士們都好適合架。

材料:(份量為1公升燉盅,2碗半分量)
鵪鶉 1隻
花膠 1隻
紅棗 3粒
牛奶 1碗
滾水 2碗半
鹽 1/4茶匙
薑片 2片

做法:

1. 準備已發的花膠
2. 鵪鶉洗淨後飛水
3. 紅棗去核
4. 準備燉盅,放入花膠、鵪鶉、薑片及紅棗。
5. 倒入熱水,放鹽,燉2個半小時。
6. 2個半小時後,倒入牛奶,再燉半小時便可。

小貼士:

– 冰鮮鵪鶉可在大型超級市場買到

– 如果唔用鵪鶉亦都可以改用烏雞,烏雞都係好進補嘅食材。

– 牛奶充滿豐富營養,要好小心控制時間。過早落會破壞營養成分,所以只需要落完,之後再燉多三十分鐘已經可以。

– 牛奶成份同水嘅比例要小心處理否則牛奶太多會太膩

-牛奶亦都可以用高鈣低脂奶去取代,會減少凝結,湯水變得更滑

-此燉品兩歲以上小朋友可食用

-產後即可食用

 

【輕鬆浸發花膠小貼士】

每次煮之前都要浸花膠好麻煩?Zareen Mama有辦法!建議大家一次過浸多啲,用以下方法浸發完,可將花膠2-3片用密實袋分開包裝放冰箱,要煮食嘅時候攞出解凍已可,勁方便!

材料:
花膠筒 10-15隻
薑 5-6片
蔥段 8-10條
紹興酒 1茶匙

步驟:

1. 先將花膠浸喺水大約四至五個鐘頭 (如果大塊嘅花膠要浸過夜,期間偶然換水)

2. 煲一煲滾水放薑片、紹興酒同埋蔥段及花膠大火滾30分鐘熄火(唔好開蓋直至水變凍)

3. 之後可以即時使用或者包裝放入雪櫃冷藏,下次要再用時取出解凍即可

=====================

cover

一個喺服務性行業工作的在職媽媽,平日十分忙碌,工作壓力好大。我有一個十分為食嘅家庭,家庭對我好重要,所以我除咗會用好多時間去陪伴我屋企人之外,我更會用工餘嘅時間去滿足兩個老闆:囡囡及老公嘅為食要求。每一次見到我嘅朋友或者屋企人好享受我煮出嚟嘅作品,都會覺得好開心,家人同朋友嘅讚賞係我煮嘢食嘅推動力!

Facebook Page:Zareen 媽媽•花巧菜•小煮意