【催乳湯水】木瓜花生魚尾湯@Pregnant Mama

【催乳湯水】木瓜花生魚尾湯@Pregnant Mama


青木瓜健脾和胃,能保護胃腸黏膜,預防消化道潰瘍,對增加乳汁分泌亦有幫助。但不適宜過敏體質人士食用。木瓜,花生等都是有催乳功效的食物,用來煲湯,湯水美味,容易入口。鯇魚尾 嫩而不膩,開胃滋補。此湯全家可飲,對胃炎,便秘,肺燥咳嗽人士均有益.產婦飲能增加乳汁分泌,但孕婦則不宜,因木瓜會令子宮輕微收縮.

材料:

鯇魚尾 1
青木瓜 1
硬豆腐 1
花生 15-30
4-6

做法:

  1. 先洗淨魚尾,索乾水份。
  2. 青木瓜去核,切件。豆腐洗淨切件。花生略浸水。
  3. 熱鑊落油加薑片,煎香薑片至聞到薑味。
  4.  放魚尾煎香兩面,直到兩面都呈金黃色。
  5. 煎魚時同步煲滾一煲滾水,當魚煎香嘅時候直接加入滾水,魚湯先至會煲到奶白色。
  6. 隨即放入豆腐青木瓜花生。
  7. 大火再滾起後轉中火煲兩小時。

貼士:

1. 煎嘅時候切忌將魚翻嚟翻去,避免魚肉散開。

2. 青木瓜可以部分切為較細件,方便飲用時食用;大件嘅可主要出味之用。

3. 如果喜歡,可多落幾片薑片,因為落薑可以有驅風嘅作用,產後媽媽有益。

鳴謝:Zareen Mama

=====================
cover
一個喺服務性行業工作的在職媽媽,平日十分忙碌,工作壓力好大。我有一個十分為食嘅家庭,家庭對我好重要,所以我除咗會用好多時間去陪伴我屋企人之外,我更會用工餘嘅時間去滿足兩個老闆:囡囡及老公嘅為食要求。每一次見到我嘅朋友或者屋企人好享受我煮出嚟嘅作品,都會覺得好開心,家人同朋友嘅讚賞係我煮嘢食嘅推動力!