【Holiday Mama】元朗14個限定藝術貨櫃,一家大細做一日文青!

【Holiday Mama】元朗14個限定藝術貨櫃,一家大細做一日文青!


上兩個星期日,同我家小姐到元朗劇院對外空地 — 香港賽馬會「港文化‧港創意」設立嘅「元朗14個藝術貨櫃」,認識一下而家嘅元朗同以前嘅有咩唔同,從而再認識多啲本土文化特色~

**每個貨櫃箱顏色及主題都不一樣,有資料性的、有互動的、亦有藝術品展覽等等。

IMG_58021、 IMG_58071

14個貨櫃之中,4個為之一組,介紹社區歷史,令更多人認識元朗近年來的社會變化。另外10個藝術櫃是由不同的社區團體、藝術家、大專院校一同參與,主題也是與眾不同的。

雖然有好多資訊小姐未必睇得明白,但有我和爸爸在旁解釋,小姐都對舊時代的元朗、舊事情、人物以及上一代的生活習慣、生活工具等都增添認識。

尤其近年元朗發展速度快,人口急增,令元朗變得更不一樣了(現代化了很多)。

一邊睇藝術櫃既展覽,我一邊回憶童年時嘅情境,感受很深。時代不斷進步,但周邊環境亦不斷變遷。直到現在… 每個商場一式一樣,小店愈來愈少,人情味亦好像大廈與大廈之間嘅外牆一樣,被阻隔著了……
整個展覽令我有很深的感受,難道我們以後就要依靠相片及展覽才可以感受到鄉村的獨特文化特色嗎?我們做父母的又可以為孩子保留多少呢?

IMG_57971

突然之間太有感受,唔好意思呀>.< ….

講番個藝術櫃(輕鬆下先) 講真,真係好鬼靚,就算你地唔係元朗/屯門人都可以入黎參觀下,影相、打卡、呃LIKE 一流,我自己都影左好多相,俾小姐扮下偽文青,哈哈~

IMG_57751

IMG_58001

另外仲有免費 Workshop,但要留意返時間,我果日去唔啱時間就錯失咗咁正嘅活動了(嗚….)

1. 免費奶茶試飲 (係冠軍茶王即沖奶茶)

2. 紙膠帶無限貼 (會場提供陶瓷杯墊及多款紙膠帶俾大家,亦歡迎參觀者自備其他環保器皿,如膠樽或玻璃瓶)
(Workshop 時間:逢星期六、日及公眾假期/下午2時至5時(2/4除外))

3. 19款元朗及屯門特色橡皮印章免費無限印 (時間:逢星期六、日及公眾假期/下午2時至5時)

4. 另外一定一定要提提大家,其中一個藝術櫃裝置了一個簡約設計的韆鞦,地上舖滿禾乾草,是由Milk Design設計(Happy Together)的鞦韆,俾大家反思一下城巿發展、本地生態與自然環境之間的平衡。但係 記住、記住、記住 (很重要所以要講3 次),如果當日有落雨的話,係會暫停開放㗎 (我果日又係有微微雨,所以冇得玩) 不過唔緊要!仲有十幾日開放時間,可以再去玩過~~

5. 另外仲有好多唔同既工作坊或活動 (上星期免費派發茶粿)

Facebook Page:
Hong Kong Jockey Club H.A.D Walk

展覽日期
2017年3月18日 – 4月23日

地點:
元朗體育路9號元朗劇院對外空地(逢星期三至日及公眾假期 12nn – 7pm)
元朗厦村鄧氏宗祠及友恭學校(逢星期一、三至日 11:00am – 5:00 pm)

=====================

mama propic

80後在職媽媽,返工、放工、煮飯、湊女|雖然好忙,但仲係擁有人顆熱烘烘 の 港女的心|食、買、玩、係我既生活動力~|你估….工作與家庭之間平衡得好, 一D都唔容易Ka>.<|一齊分享工作、家庭、生活瑣碎趣事,在忙碌之中輕鬆一下~

Facebook page: 在職mama好地坊