【Holiday Mama】春夏野餐好去處-南昌公園,一家大細親親大自然!

【Holiday Mama】春夏野餐好去處-南昌公園,一家大細親親大自然!


春天來到喇!絕對係野餐嘅季節,係時候同仔女去南昌公園親親大自然,來一場ピクニック野餐喇!呢個春天,南昌公園內有接近90棵黃花風鈴木,一大片黃色嘅景,幫仔女影輯相絕對冇難度!

img_3213_logo_min_mi_YWIMA

雖然當日去到只係開左一半左右,但係已經吸引左好多人慕名而來。一朵朵黃花進入眼簾,睇又靚、影相都好靚啊!不過開花期大約得10日左右,就算大家過左開花期都可以去享受一下南昌公園嘅舒適,去野餐就係其中一個最好嘅選擇喇!

IMG_5690-2233

Untitled design-2

講返今次野餐先~

早前由台灣代購敗返嚟嘅 Le creuset 終於可以大派用場囉 (奸笑中)野餐袋超實用,盒子容量亦好大(今次有圖有真相)

既然春天來到,就與友人興致勃勃咁去野餐喇~而今次我就負責整:

1. 肉醬義大利麵(意粉烚好放入膠兜,肉醬用象印保溫,去到公園食時一大開仲出緊煙喔)

2.火雞扒三文冶 (一田有售一片片薄切的,蕃茄揀靚仔重身的,生菜要夠翠綠,一件簡單三文冶卻非常上鏡,亦非常美味!我準備期間都按奈不住偷食左一件)

IMG_3216_LOGO-min-min

3. 生果盤:有西瓜,蜜瓜,哈蜜瓜;梅花間竹咁放入盒,又係一件賞心悅目的事,小朋友都樂意食多啲生果啦!

IMG_3291_LOGO-min-min

4. 冬甩 :購自麵包店只因小姐大爺鍾意食

另外友人亦準備左焗腸仔丸丸(好香口又帶點蜜糖味;熱情果特飲(超正!而且友人準備嘅飲管都好美);焦糖布丁(好味到痺!係臨別之前食,令呢個聚會畫上完美句號)

大爺就準備左好好玩既吹 Bubble 同兩位小朋友玩,玩到成身都係泡,而且仲一次過玩晒成支添!呢之野餐之旅就係吃吃、玩玩、吹吹水咁渡過左一個開心下午喇!

img_3488_logo_min_mi_vEm6H untitled_design_min__ssYVV

今次影的相片實在太美,為自己係回暖前(即熱到出汗前)留下一個美好回憶,遲啲一定要再玩多次!

=====================

mama propic

80後在職媽媽,返工、放工、煮飯、湊女|雖然好忙,但仲係擁有人顆熱烘烘 の 港女的心|食、買、玩、係我既生活動力~|你估….工作與家庭之間平衡得好, 一D都唔容易Ka>.<|一齊分享工作、家庭、生活瑣碎趣事,在忙碌之中輕鬆一下~

Facebook page: 在職mama好地坊