【Holiday Mama】免費試堂!真・草地兒童欖球班-雅緻爸爸Tody

【Holiday Mama】免費試堂!真・草地兒童欖球班-雅緻爸爸Tody


作為一個攝影爸爸,有時都會喺唔同嘅媒介跟其他攝影爸爸交流,近排發現一個攝影爸爸分享佢一對仔囡著住好有型嘅球衣喺球場跑來跑去嘅相片,動作又夠型,真係好威風!好奇之下主動聯絡咗嗰個攝影爸爸,問問佢究竟仔仔囡囡玩緊乜,原來佢地係去咗非牟利機構【荃灣欖球會】玩欖球!

photo2
之後我當然係問佢:「可唔可以試堂?試堂幾多錢?」其實…...我都係想同呀囡影吓相,影佢球場上嘅英姿。點知……佢同我講試堂唔洗錢,而且場地仲要喺我屋企附近!又唔洗錢,又近我屋企,天氣又好,影相又靚,我當然要親身去一次!係嗰度,見到好多小朋友開開心心喺個「真草地」跑來跑去,有好多義工處理會務工作,又有好幾個合資格嘅教練去訓練我地啲小朋友!
photo5據我所知荃灣欖球會成立十幾年都係為區內嘅小朋友服務,而我都好鐘意佢地嘅理念:希望我地下一代嘅小朋友可以健健康康快快樂樂咁成長。「欖球有兩端,一端代表尊重,另一端代表紀律」,佢地會從小訓練小朋友要有紀律咁去玩,要有團結合作同高度互助嘅精神,而最重要嘅係佢地比咗一個機會我地喺「真草地」上進行親子活動。我女兒本身就比較好動,所以半年前,即係佢3歲嘅時候,已經開始學跳Jazz舞,本來打算先畀佢學跳舞,之後再加一樣比較學術嘅野,但我而家即時改變主意,除了跳舞之外就加多一個欖球班好了!只要訓練佢做一啲基本嘅求生技能例如:跑、執波、爭奪、防守、保護自己和欖球、與隊友合作等等。發揮一下活動細胞,就可以訓練到更佳嘅體能。
photo3
呢個欖球班唔需要夠高夠力去射籃,唔需要有極好的腳法,只要識行識走就Okay!再加上入會費200蚊就可以玩足一年,而波衫因為有律師行贊助,所以200元就可以買到一套(包括衫、褲同襪)真係抵到爛!由新年到而家,睇開報紙都知道已經有7個學生自殺,所以我個人覺得作為家長,生小朋友出來就有責任比佢快樂成長,學業的事,順其自然就好了!如果佢真係有興趣補習,我先會畀佢補習。課餘時間,小朋友始終都是喜愛玩、玩、玩同玩嘅,只要學識有紀律地去玩,就可以開開心心又學到野啦!
photo1

活動資訊

舉辦機構:荃灣欖球會
對象:4-18歲兒童及青少年
價錢:免費試堂,會費港幣200元/年
詳情:mmchung_twr@yahoo.com.hk / 66858662(饒太)

精彩照片

photo4

photo8

photo7

photo6

=====================================

TODY & 雅緻

作者:雅緻爸爸Tody @ 爸爸攝影集の雅緻萌娃活活照

本身是Freelance攝影師自從20138月囡囡高雅緻來到這個世界之後便開始醉心兒攝. 囡囡高雅緻由0歲到現37個月大每個月都會為她拍一輯成長印記,同時也是兒童攝影天地谷主跟同好者分享兒攝心得