【Holiday Mama】跟小孩一起飛越森林,親子冒險之旅!

【Holiday Mama】跟小孩一起飛越森林,親子冒險之旅!


作為親子達人,有機會參加 Spark Adventure 嘅親子Happy冒險挑戰日,當然要接受呢個挑戰啦!既可以享受親子,又可以挑戰下自己,點可以唔去試下呢?對雅緻爸爸嚟講,未開始已經要接受一個大挑戰:就係7:00要起身去西貢!爸爸前一日做咗一整天婚禮攝影師,第二日少D決心都好難起到身啊!

TODY78092

今次嘅挑戰日有8個家庭參與,教練首先同我地熱下身,玩下啲親子團體遊戲,雅緻同爸爸媽媽都玩得好投入。我地一家一齊去完成咗好多唔同嘅遊戲,就係喺呢一刻~我發覺佢已經唔再係當初嗰個成日要抱嘅 BB 喇!而家大個咗,佢已經有能力同爸爸媽媽一齊去完成遊戲,過程真係既開心又滿足~教練佢地都好細心又有耐性,所以無論係大人定小朋友都會同教練們相處得好舒服。

TODY81362 TODY81182 TODY81202

上午玩咗啲親子遊戲熱下身,食完個午飯就到下午嘅「戲肉」飛越森林!! 教練一開始教我地用繩爬樹,一步一步咁爬上去,之後再飛越森林。首先佢地會將我地一步一步咁吊上一棵好高既大樹上面,吊到相應高度之後,再由大樹沿著繩索飛落嚟。我被吊上大樹之後真係覺得好驚,但係為左完成呢個挑戰,大家都拎出勇氣去面對,同時每個參加嘅家庭都非常投入、互相鼓勵。

TODY82292

雅緻都有嘗試玩飛越森林,但係因為上到樹之後太驚,所以最後都係俾佢落返地面,畢竟佢只係個3歲半嘅小朋友,教練都唔會勉強。喺呢個時候家長嘅輔導同教育都係十分緊要,我會同佢講,當你喺下面見到人地玩好似好容易咁,但你上到去其實未必係你想像中咁簡單,所以做每樣野都必須用心同身去感受,大個嘅時候先會越來越強㗎!!

我地喺今次嘅親子冒險日都有唔少得著,一家人齊心去玩遊戲、面對挑戰、解決困難。完成咗今次呢個挑戰日,我發覺雅緻比以前又成長咗、勇敢咗,同我地嘅關係又親密咗~而我地「雅緻家」都喺困難中互相扶持,最後成功真係緊張刺激得嚟,亦得到唔少嘅成功感~所以真係好多謝 Spark Adventure 嘅教練,下次有機會我地一定會再接受你地嘅挑戰!!

小貼士:
*參與「飛越森林」須年滿3歲

TODY78212 TODY78242 TODY81312 TODY81292

【親子Happy冒險日資訊】

時間:10am-5pm(需預約)
地點:保良局北潭涌渡假營/上水/元朗 (如無註明,地點是保良局北潭涌渡假營)
活動內容:飛越森林, 泰山爬樹, 營地尋寶, 親子歷奇遊戲,及一系列的解難挑戰
價錢: $395 每人( 已包括午餐費用,6人同行每人$370)

網址:http://www.sparkadventurehk.com/

 

=====================================

tody- (1)雅緻爸爸Tody @ 爸爸攝影集の雅緻萌娃活活照

本身是Freelance攝影師, 自從2013年8月囡囡高雅緻來到這個世界之後, 便開始醉心兒攝. 囡囡高雅緻由0歲到現在37個月大, 每個月都會為她拍一輯成長印記,同時也是兒童攝影天地谷主, 跟同好者分享兒攝心得