【春季養生秘方】春天養肝好時機,4招護肝大法!

【春季養生秘方】春天養肝好時機,4招護肝大法!


媽媽們好多時聽人講要春天養肝護肝,到底點解呢?原來因為喺中醫嘅講法,肝同春天係相通嘅,亦係人體肝氣最暢旺嘅時間~正所謂「一年之計在於春」,所以中醫都認為最適合養生嘅時節係春天,為整年打好基礎啊!

1. 飲食

好多營養師都建議喺春天食多啲蒜頭、蘆筍、韭菜、菠菜、黑芝麻等食物,善用食物營養素嘅力量可以強化到肝臟健康,如果喺春天時節食,養肝效果會更加見效。除咗食之外,仲可以飲花茶養肝,建議寒底嘅飲玫瑰花、茉莉花、素馨花,用熱水浸泡,每個星期飲兩次可以有助疏肝解鬱。而熱底嘅人士就可以飲菊花、茉莉花及素馨花,對清肝、明目安神都好有效架。

2. 適量運動

大家都知道做運動可以令身體健康,同樣地做適量嘅運動可以促進血液循環,同時調整情緒。只係散步、做基本體操都可以促進新陳代謝、加快血液循環,仲可以令肝臟能得到更加多氧氣同養分添~小編都知道好多時媽媽都好忙,所以私人醒兩個簡單嘅動作俾大家,喺屋企都可以護肝啦!

伸懶腰
其實伸懶腰人體嘅自我保健,因為展腹需要用到全身嘅肌肉,深呼吸亦有助行氣活血、激發肝臟機能。大家記得喺伸展嘅時候要盡量吸氣,放鬆時將全身肌肉鬆弛,同時盡量呼氣,護肝嘅效果就會更好喇~

穴位:太衝穴
太衝穴係肝經嘅原穴,媽媽們可以喺空閒嘅時候按壓腳面嘅太衝穴,如果有啲痛的話,就可以透過揉按到唔痛為止去順順肝氣,有助補肝。

3. 充足睡眠

最基本嘅養生方法當然係維持日常作息嘅規律,盡量喺11點前訓覺,因為晚上11點開始係肝藏需要休息嘅時間,所以大家要避免熬夜同埋保持充足睡眠,咁先可以維持生理機能嘅運作架~

4. 保持身體溫暖

嚟到春天嘅氣溫變化咁大,成日都會時冷時熱,如果著唔夠衫的話會好易感冒架~所以媽媽們記得要注意保暖,唔好咁快就「轉哂季」啊~隨時帶定外套出街,咁先可以確保身體健康。

記住以上呢幾招,喺春天護好肝絕對係媽媽們養生嘅第一步啊!