【實驗短片】蒙著眼睛找媽媽

【實驗短片】蒙著眼睛找媽媽


近日網上熱傳一條外國小朋友蒙眼認返媽咪嘅短片,好多Mama睇完都覺得好感動,仲話好想知道自己小朋友蒙住眼,單靠觸覺同嗅覺可唔可以認出自己,所以今次我地趁母親節搵咗5對Mama同小朋友嚟做個實驗,睇下香港小朋友嘅表現如何!

實驗短片

實驗步驟

1.小朋友蒙眼

step1

2.小朋友由右至左逐個逐個Mama摸,摸摸手、頭髮同臉

kayley2

3. 小朋友認定Mama後,就將手中康乃馨送俾Mama,再除低眼罩

Jane

實驗結果5個小朋友都成功搵到Mama,仲有兩個小朋友就咁摸媽媽隻手就認定係佢!係現場真係睇到人眼濕濕呀T_T

特別嗚謝

好多謝呢五對Mama同小朋友同我地一齊做實驗,一齊見證感人又溫馨嘅時刻!

1. Kayley & mama Polly

kayley

Kayley宜家4歲半,佢完全清楚我地嘅指示,每個媽媽都好認真咁摸,摸到唔係自己媽媽就十分肯定地搖頭,一摸到媽媽就即刻大大力點頭,媽媽又點會唔感動~

kayley1

2. 凱晴 & mama Wing

hoi ching

凱晴宜家3歲半,媽媽話佢第一次係漆黑嘅環境到玩遊戲,所以比較緊張,佢左摸右摸最後決定係媽媽個陣,細細聲咁講:「係媽媽」,媽媽聽到已經眼濕濕喇!

ching

3. 大豆 & 大豆媽

big bean

大豆宜家3歲,可能同凱晴一樣都係唔習慣蒙住隻眼,所以我地一幫佢蒙眼就喊住要媽媽,好彩最後係媽媽嘅溫柔氹氹下,都成功戴上眼罩搵到媽媽!

bigbean

4.哲哲  & mama Waiyee

哲哲今年3歲,可能佢仲細未係好識得聽指示,所以成日想除起個眼罩,最後佢摸到媽媽頭髮就認得媽媽喇,好叻仔呀!

chit

5.Jane & mama Winnie

Jane宜家4歲,同Kayley一樣佢都好清楚呢個遊戲點玩,而佢最後只係摸一摸媽媽隻手就認得,媽媽即時感動到不得了!

Jane

 

呢次實驗完結後,每個Mama都話好感動,就算係睇其他小朋友搵到媽媽,都一樣咁感動。呢次實驗證明媽媽付出所有時間嘅照顧,其實小朋友係感覺得到,而且每日嘅親密接觸,都喺小朋友心中留低記憶!母親節就到喇,希望每個Mama睇完條片都覺得好窩心,母親節快樂!