【HolidayMama】恐龍復活?! 暑假帶小朋友去睇史前動物!

【HolidayMama】恐龍復活?! 暑假帶小朋友去睇史前動物!


今次我地黎YOHO MALL睇恐龍,未見到恐龍已經聽到吼!吼!吼!既叫聲,嘩,31尺長既霸王龍同三角龍真係好震撼呀,加上機動既恐龍發出逼真既嘶吼聲同搖頭擺尾,聽到好多小朋友既尖叫聲,Ronnie都睇到目定口呆。

「#DINOLAB恐龍實驗室」共佔地逾5,000平方呎,三大主題館包括「恐龍生命館」、「恐龍互動館」及「化石清修館」,仲有得睇恐龍模型同化石,從遊戲中了解恐龍身體結構,大人小朋友都岩玩架!

互動遊戲有3個,需有效遊戲券:
「考古巢穴」:模擬化石探勘場,小朋友可以動手發掘恐龍骨,研究恐龍品種,找到小恐龍仲可以獲得禮物。

「化石清修室」:小朋友可以著上實驗袍,用考古清修工具,體驗清修出恐龍骨的過程,將一塊塊龍骨拼成一條完整恐龍

「恐龍解碼任務」:當中有4個任務,需通過重重關卡,救出恐龍。而Ronnie最鐘意就係玩搖控恐龍,拯救恐龍蛋。係闖關途中,有隻大恐龍會隨時出現,考驗大家既膽量,Ronnie已經立刻要媽媽抱住了。

成功參與及通過考古巢穴、化石清修室及恐龍解碼任務三個任務,並集齊印章,即可獲得「#DINOLAB恐龍實驗室博士證書」一張。

展覽免費入場,但考古巢穴、恐龍解碼任務及化石清修館等特別任務,需持有效遊戲券方可參與,於場內任何商戶以電子貨幣即日消費滿$400,即可換領指定時段遊戲券一張,或由7月11日起於網上購票服務,每張票價HK$30

提提你:三個遊戲區只限90-150cm小朋友參與,並要一名18歲以上成人陪同,考古巢穴除外!

=================

YOHO MALL #DINOLAB恐龍實驗室

地點:YOHO MALL I 中庭、主廣場及白鷺公園入口
日期:11/7 – 24/8/2018
時間:上午 10 時至下午 10 時
詳情:https://www.yohomalldinolab2018.hk/

=================

Ronnie分享Ronnie既生活點滴,旅遊玩樂,成長趣事,希望同大家開心Share

Facebook:喊左舒服D Ronnie Yiu