【懷孕期穩定血糖四大注意事項!+附營養食譜】

【懷孕期穩定血糖四大注意事項!+附營養食譜】


相信各位媽咪一知道自己懷孕之後一定又開心又緊張,準備迎接一個新生命嘅十個月入面有好多野都要注意,而最多人提到要留意嘅就係懷孕時期嘅血糖水平。以前做女嘅時候邊會理咁多血糖高低丫… 而家就唔同哂,因為孕期時候BB同媽咪用臍帶相連,所以媽咪食啲咩BB就吸收啲咩㗎喇~而且陀B嘅賀爾蒙分泌變化會令血糖上升,所以一定要𥄫實自己嘅血糖水平,咁BB就可以喺媽咪體內健康成長喇~

最有效嘅方法就係從飲食方面入手,揀低GI食物再配合日常生活習慣。今次就等小編教大家幾個穩定懷孕期血糖水平嘅小秘訣啦!

穩定孕婦血糖方法

  1. 飯後散步

簡單嘅運動(例如散步)可以幫助穩定血糖。媽咪們每日飯後慢行10至20分鐘係可以有效令血糖水平下降,減低患上妊娠糖尿嘅風險㗎~

  1. 多飲水

成人每日平均攝取大約2至3公升無糖液體,平常人都要多飲水,更何況係正直孕期嘅媽咪呢?如果孕媽飲唔夠水的話,會好易影響血糖指數㗎~

  1. 避免進食加工食物

媽咪們緊記唔好食咁多垃圾食品同埋經加工嘅食物,因為垃圾食物中嘅反式脂肪同碳水化合物會提高患妊娠糖尿病嘅風險;而加工嘅食品喺加工過程中,唔單止會損失原有嘅營養,同時食物嘅GI值亦會增高。

  1. 盡量選取低GI食材

GI 升糖指數

GI升糖指數係人體喺進食含有碳水化合物嘅食物後,食物對血糖影響程度嘅數值。低GI嘅食物喺消化後,轉化成葡萄糖嘅速度會較慢,所以令媽咪血糖嘅升幅亦會比較少。相反,愈高GI嘅食物就愈容易令血糖上升喇~

除咗食低GI嘅食物之外,媽咪們而家仲可以選擇** Frisomum 美素佳兒媽咪奶粉,佢除咗係低升糖指數 (GI = 25) 嘅營養補充品,仲有多種維他命B,可以為媽咪們提供足夠嘅能量。另外,Frisomum 美素佳兒媽咪奶粉仲含有DHA、鈣質、維他命D等,同時補充埋肚入面BB嘅營養需要㗎~

等小編私下傳授兩個簡易又好味嘅媽咪奶食譜俾各位準媽咪啦!

1) 媽咪奶凍
材料:
暖水 250ml
媽咪奶粉 50g
糖 20g
粟粉 20g

做法:

  1. 將所有材料放入鍋攪勻再開細火,邊加熱邊攪拌至濃稠後熄火。
  2. 將煮好嘅奶糊放入碗中,放涼後再放入雪櫃冷藏3至4小時。
  3. 待凝固後可加入新鮮水果食用。

2) 媽咪燉奶
材料:
暖水 125ml
媽咪奶粉 25g
雞蛋 1隻
糖 15g

做法:

  1. 將水、媽咪奶粉、糖攪勻至融化。
  2. 過篩加入雞蛋,攪勻後放入碗中。
  3. 蓋上蓋或者用錫紙蓋住蒸12分鐘即可。

大肚媽咪緊記喺陀B時要有均衡飲食同埋留意返自己嘅血糖水平,咁樣媽咪又唔駛怕血糖過高影響健康,而BB亦可以有個安全健康嘅「安樂蝸」成長啦~

 

**此產品沒有根據《藥劑業及毒藥條例》或《中醫藥條例》註冊。為此產品作出的任何聲稱亦沒有為進行該等註冊而接受評核。此產品並不供作診斷、治療或預防任何疾病之用。**