【解答準媽媽兩大問題!揀邊間醫院生BB好呢?】

【解答準媽媽兩大問題!揀邊間醫院生BB好呢?】


作為一個準媽媽真係有好多野煩,又要諗請邊個陪月好、第時小朋友邊個湊、甚至住邊區讀咩學校都要諗埋!不過最基本同貼身嘅問題又解決咗未呢?就係揀邊間醫院生小朋友先係最好、最適合自己呢?仲有好多媽媽都好疑惑究竟順產定開刀嘅問題添,今次就等小編為各位預備懷孕、準媽媽解構大家嘅疑問啦~

順產 VS 剖腹產
最明顯嘅分別一定係剪陰同開刀, 好多時媽媽都會認為順產會好痛,開刀就冇咁痛,但其實係一種誤解嚟架~通常選擇順產媽媽嘅痛楚都係生產時嘅陣痛,而剖腹產媽媽則係產後傷口所帶嚟嘅痛。順產嘅康復速度其實唔長,一般順產之後一兩日就可以出院架喇,而剖腹媽媽一般康復時間都會比較長,需要三至四日先出院嘅~不過聽過最多媽媽問嘅問題就係:剖腹產 BB 嘅呼吸道係咪冇順產 BB 咁健康架?答案係:No,因為順產 BB 喺生產過程中已經將肺部嘅積水逼出,所以一出世嘅時候呼吸會較佳。雖然剖腹產 BB 未能喺生產過程去除肺入面嘅水,不過其實水分會喺佢出世後自然流失,所以並唔會造成呼吸道問題架~
無論係順產媽媽同剖腹產媽媽都係偉大嘅媽媽,最重要都係因應返個人嘅情況同埋生育計劃嚟定,同老公相量完之後再問返醫生嘅意見啦~
解決咗部分準媽媽生產方法嘅疑問之後,就輪到第二個最緊要嘅問題--點揀醫院/揀咩醫院好呢?

1. 爸爸陪產
每個生BB嘅媽媽都一定好緊張,最好就係有老公喺身邊陪住你,雖然分擔唔到痛楚,但起碼有人喺旁邊支持住冇咁驚!爸爸仲可以第一時間喺醫護人員指導下切斷臍帶,可以同小朋友有最親近嘅接觸。

2. 肌膚接觸
每個媽媽生完之後,第一時間最想見到嘅當然係自己啱啱辛辛苦苦生出嚟嘅 BB!如果小朋友出世後可以放喺媽媽身上,感受媽媽體溫同埋肌膚,絕對係又 sweet 又 warm 嘅動作同畫面。

3. 母嬰同室
政府醫院大部分住院房都係同其他媽媽同房,而有地方的話,小朋友情況許可就會被安排放喺媽媽身邊,由媽媽照顧,不過如果幾個媽媽、幾個BB全程一齊都咪話唔頭痕… 呢個B喊完到嗰個喊,真係好似交響曲咁架!所以最好就係有得自己照顧之餘,又可以間唔中俾自己休息下啦~

4. 探訪時間
有試過留院嘅媽媽實知喺醫院真係好悶架!咩都冇得做,就攤喺張床度過一日,等到頸都長先到探病時間,有親戚朋友嚟同你傾下計,咁先可以冇咁難捱咋… 所以生完仔要等幾日先出得院,探訪時間最好就有咁長得咁長啦!

港怡醫院產科服務
知道媽媽們嘅偉大,所以小編都幫大家嚴選咗有超強產科套餐嘅港怡醫院,同大家睇下有咩最強服務先~

肌膚接觸,24小時母嬰同室
為咗讓媽媽可以同初生寶寶建立關係,BB 一出世就會被抱到媽媽懷中。除咗可以俾到小朋友安全感之外,絕對可以減低媽媽嘅痛楚~港怡醫院房間大小可以俾 BB 24小時同媽媽同房,不過如果媽媽需要休息亦可以要求護士幫忙照顧BB,咁就唔怕咁辛苦啦!

產科套餐,提供不同房型
各位準媽媽可以因應個人喜好同需要揀返適合自己嘅房,有標準房(兩床)、半私家單人房、私家房同埋家庭套房。最緊要係港怡醫院價錢吸引,標準房只配備兩張病床,相比其他私家醫院有3至8張床位會更舒適 。如果想要更高私隱度,不防考慮半私家單人房,只需半私家收費就可獨享私人空間啦!

標準房 copy

私家房 copy

家庭套房 copy

貼心小禮物
港怡醫院仲會貼心為媽媽同新生家庭準備小禮物,包括:坐月午後茶餐、薑水抹身、住院期間免費泊車、出生小蛋糕、孩子健康紀錄冊同薑醋代訂及送貨服務。仲有一個小編都覺得 sweet 嘅禮物,就係免費專車送到返媽媽屋企*,咁老公就可以坐喺自己身邊陪住啦!(* 服務不包括離島)

Free Confinement Afternoon Tea Set copy

Mini Birthday Cake

Discharge Free Ride Home

地理位置
港怡醫院喺港島南區海洋公園站,地鐵站出口已經有免費專車來往海洋公園站及港怡醫院,只需要三分鐘車程咋~每10至20分鐘一班,親戚朋友嚟都夠哂方便啦!

媽媽十月懷胎已經好辛苦,好多人都話生BB真係有半隻腳踏入鬼門關,所以更加要愛錫自己,揀間適合自己嘅醫院,俾媽媽同小朋友享受最優質嘅服務。

詳情請到:https://goo.gl/Qv8FDt