【產後情緒】長時間使用社交媒體致抑鬱,為何還要用?

【產後情緒】長時間使用社交媒體致抑鬱,為何還要用?


作為新手媽媽,就算你幾多日冇沖涼、冇洗頭,你都想幫BB著得靚靚,影張靚相擺上Facebook恭佈喜訊,但原來,大部分媽媽都會好緊張有邊個Like咗,有幾多人Like!聽落好正常,但原來係表示你可能過份焦慮?

以Like來獲取認同感

研究顯示,媽媽會透過「邊個Like咗」嚟判斷「佢應該會覺得我係好媽媽」。尤其係坐月期間,媽媽要全日留喺屋企其實係好孤獨,又覺得同世界好疏離,所以佢地除咗湊仔之外,唯一可以做嘅野就係用Facebook、Post相。

比較帶來壓力

網絡上充斥住來自不同背景嘅初生分享,最深入民心嘅莫過於明星分享。你見到一眾明星生完後身材冇變過、仲可以化個靚妝影相,再望吓自己個殘樣,實會覺得自己好差⋯⋯其實,媽媽要記住網上好多野都係靠包裝,明星可以靚靚咁行出嚟影相係因為佢地背後有一個團隊,一個助手、兩個陪月、三個工人,所以唔好將自己同其他人比較,最重要嘅係你已經盡咗自己嘅能力,為BB準備最好的。

見朋友較實際

睇住BB一日比一日大,坐月嘅時間眨下眼就過!發現自己情緒同產前唔一樣實屬正常,因為身體入面嘅荷爾蒙轉變,唔多唔少都會影響媽媽情緒。放得監就去見吓朋友,飲杯咖啡傾吓計已經可以開心好多,唔好成日掛住睇Facebook喇~世界上冇百分百正確嘅育兒方法,所以媽媽唔好俾咁大壓力自己呀!

參考資料:
Sarah. (2019). Quartz. The dark reason new mothers share photos of their kids on Facebook. http://bit.ly/2Jx7Sbw