【專訪】《我愛Mama》 每月之星新年Party!

【專訪】《我愛Mama》 每月之星新年Party!


《我愛Mama》今次同11月至2月嘅每月之星一齊開咗個新年Party,四位可愛嘅小朋友專心玩波波池同睇書仔,大人就食住傳統糕點傾媽媽經,過咗個開心下午。媽媽們仲同我哋分享咗時下家庭係點樣過新年,一齊睇下!

【11月之星:琳琳】

琳琳宜家2歲大,係個慢熱嘅蛇寶寶,一嚟到個陣要痴住係媽咪身邊,後尾慢慢就去波波池到同其他小朋友一齊玩,熟咗仲會主動望鏡頭笑!佢坐係波波池到拎住本書仔好認真咁睇,仲係咁指住書中豬仔話係自己!

L1 copy

【12月之星:琛琛】

琛琛岩岩過咗1歲生日,係當中最細嘅馬年BB,好痴媽咪身,就算係波波池到玩緊都要媽咪陪係身邊至得!眼仔大大成日會周圍碌下觀察環境,哥哥姐姐們都好鐘意同佢玩!

S1 copy

【1月之星:謙謙】

謙謙2歲大,係個活潑嘅蛇BB,完全唔怕生保,一嚟到見到個波波池就即刻開始玩,仲好主動咁拎住個春聯比小編影相~後尾仲好熱情咁攬住琛琛,真係一個大哥哥喇!

H

【2月之星:Belle】

Belle 3歲大,係入面最大個嘅,同謙謙一樣係個活潑嘅蛇BB,不過媽咪就話係同人講野個方面,Belle都係屬於慢熱型,的確到Party後期Belle先開始主動同小編講野!

B

【新年活動篇】

shortcut_icon:農曆新年同小朋友有咩節目?會唔會帶小朋友去行花市,去下旅行咁?

琳琳媽咪:因為同琳琳爺爺嫲嫲一齊住,所以新年都唔會去旅行。

琛琛媽咪:去爺爺嫲嫲到拜年,初三打後應該會帶琛琛去澳門旅行!

謙謙媽咪:都係拜年多,同埋諗住帶小朋友去AIA玩!

Belle媽咪:都係帶阿Belle去拜年,會考慮下去唔去花市,以前怕逼都帶佢未去過。

shortcut_icon:會唔會帶小朋友去全部親戚到拜年?定係會選擇團拜?

琳琳媽咪:朋友Gathering比較多~

琛琛媽咪:會帶琛琛去朋友到一齊玩,一日都會去幾場!

Belle媽咪:兩樣都有呀~

123

【新年習俗篇】

shortcut_icon:會唔會幫小朋友儲起利是錢?

琳琳媽咪:會呀~

琛琛媽咪:入晒落自己個戶口,哈哈~

謙謙媽咪:有幫謙謙開咗個銀行戶口儲錢,張銀行卡仲有埋小朋友個樣嫁。

Belle媽咪:每年都會儲入Belle戶口

shortcut_icon:新年傳統仲跟唔跟?(例如禁忌或傳統食品)

琳琳媽咪:因為我同奶奶住,佢一見到我哋拎掃把就會話~同埋會擺2蚊係枕頭底。

琛琛媽咪:如果自己係屋企就唔會理禁忌,但奶奶就會跟。小朋友會有壓歲錢,同埋新年會食潤餅~

Belle媽咪:都會食鄉下傳統食品,係北角先買到料整~

DSC09223_Fotor_Collage

【生肖運程篇】

馬寶寶

9676195_l

性格:自由奔放、活潑爽朗,有人緣,萬人迷

學業運:好好,多才多藝會盡顯天份

健康:留意家居陷阱,收起尖刀、石頭。較多小毛病,提防喉嚨、氣管及呼吸疾病。多做善事,提升福報。

蛇寶寶

16405593_l

性格:慢熱、怕生、遇到問題時會自己解決,少尋求協助、冷靜

學業運:很好,頭腦聰明,專注力、學習能力大有提升

健康:注意氣管毛病

【賀年習俗知多啲】

賣懶

賣係廣東人嘅過年習俗之一,小朋友會係年三十晚拎着紅雞蛋、燈籠同香到處高唱「賣懶,賣懶,賣到年三十晚,人懶我唔懶」,然後係村口上完香返屋企就食紅雞蛋,就係賣完懶喇!

接財神

1

年三十晚同新年期間,小朋友會拎住一疊「財神」紅紙,四處拍門高叫「財神到」,屋主接完財神就會派利是比小朋友。而接到嘅財神紅紙,最好掛係年花花枝或花樽上,直到正月初七或十五後先處理。

(宜家以上兩個習俗係香港都已經絕跡了)

【Party精彩片段】

點樣過新年都好,最緊要同屋企人一齊過,咁就最開心!《我愛Mama》祝大家猴年闔家平安,身體健康!

12694489_1030182230358617_5653735580616165761_o