【PregnantMama】懷孕濕疹發作,舒緩孕婦濕疹小貼士!(附自製天然保濕膏教學)

【PregnantMama】懷孕濕疹發作,舒緩孕婦濕疹小貼士!(附自製天然保濕膏教學)


孕媽媽面對身體各種變化,身心適應少不免。

楠媽懷上第二胎,原本以為有了上胎經驗可以得心應手,容易面對啦~怎料孕婦濕疹殺到埋身

1
▲愈來愈大的肚肚

楠媽身體屬於敏感性的。平時也會很容易敏感,轉天氣會起濕疹。手沾到水、肉汁、清潔劑,用左唔適合既護膚品,都有機會敏感發濕疹。

由於我一直有呢個煩腦,所以懷孕時都好小心,點知無啦啦孕婦濕疹殺到埋身!起初係三角位同肚仔,後來就係胸口、背脊、頸、老鼠仔位,痕到完住訓唔到。起初諗住忍下,唔去抓佢會自動好番啦。因為以我經驗,會愈抓愈多。點知最終都係愈生愈多,控制唔到(哭),我痕到不得了。另一日即刻打電話向我既產科醫生求救,由於我全身上下都痕,痕到無法入睡,於是醫生就開了類固醇藥膏給我搽。睡不好是不利於BB生長的,所以無辦法之下只好乖乖搽藥,希望盡快好番。

2

上網搵下資料,原來孕婦濕疹好普遍。由於孕期荷爾蒙既改變,肚皮同胸部變大而拉扯皮膚,都好容易引發皮膚過敏同濕疹而係生產後,濕疹會自動消失。放心,呢d濕疹只會苦了媽媽,唔會影響bb。

面對濕疹注意四件事(個人經驗):

  1. 避免用過熱既水沖涼:好明白,當好痕既時候用熱水的確可以止一時痕,但後果好嚴重,熱水會蒸發左皮膚既水份,令皮膚更乾更痕。真的真的真的千萬唔好貪一時既爽快。
  1. 要戒口: 戒白糖、戒奶、蛋、番茄,戒白麵粉做的任何食物。盡可能少吃白米,可吃藜麥代替澱粉,吃小米、糙米、十穀米。要戒既食物是防止發炎皮膚更惡化更癢。
  1. 加強保濕:有濕疹唔好以為係因爲濕,其實濕疹好大部分原因係因為皮膚乾。緊記塗上刺激性低、沒有人造香料、酒精等會刺激皮膚既護膚品。
  1. 避免接觸致敏源:致敏源有很多,因人而異。如果你好想好想知道是什麼,可以到皮膚科醫生處進行測試。

而楠媽搽了醫生的類固醇,待濕疹情況有好轉後,就尋求一些天然方法,希望keep到不要再發了。我係網上面參考了由嚴浩讀者提供既配方自製天然保濕膏(楠媽改左少少),大家可用來參:

《自製天然保濕膏》

材料:

椰子油 15ml
甜杏仁油 15ml
大麻籽油 15ml
蜂蠟 8ml (楠媽專登減量,令質地沒那麼硬身)

做法:

1. 將椰子油、甜杏仁油、蜂蠟隔水加熱。
4

2.待蜂蠟完全溶解後,停止加熱。隔30秒左右加入大麻籽油拌勻
6

3. 放入玻璃容器內待凝固,完成。
5

用既時候輕輕用手指既溫度暖下就可以輕易取出了。值得留意既係因為全天然沒有加防腐劑,所以大家緊記要在3個月內用完呀。

楠媽覺得呢個膏對我來說很好,成份全天然,keep住搽皮膚沒有再發濕疹啦。大家可以參考一下(笑)。

7

==============

Nathanbb楠媽是一位工程師,終極夢想成為全職媽媽。自從仔仔楠哥6個月起BLW方式加固之後,開第一個育兒Facebook Page-楠哥blw日記,同fans分享BLW食譜,育兒心得。黎緊8月妹妹就出世,兩年抱兩。
Facebook:楠哥blw日記