【舒緩暈車浪】小兒推拿按摩-天柱骨&內關@Healthy Mama

【舒緩暈車浪】小兒推拿按摩-天柱骨&內關@Healthy Mama


憂心媽媽:「Ming醫師,小朋友搭車搭船都會暈陀陀兼作嘔,點算好呀?」

Ming醫師:「去旅行、搭車又搭船,好多小朋友都唔坐得長途車,係因為小朋友脾胃比較虛弱,坐車chokchok下令到脾胃運作亂左,頭暈係因為清陽不升,即係氣血上唔到個頭度;可能仲會嘔添,嘔就係因為胃氣正常應該下降的,坐車/船的顛簸令到胃氣上逆。嘔到一身都係都真係幾頭痕,除左食九製陳皮理氣和胃之外,等Ming醫師教定大家兩招預防暈車浪同暈船浪,大小朋友都可以用!」

六歲或以下的小朋友:

穴位:天柱骨

位置:頸後髮際正中至大椎穴成一直線。

功效:降逆止嘔。

操作:食中指沿中線由上往下直推,推100- 200次。

六歲或以上的大朋友、小朋友:

穴位:內關

位置:腕橫紋上2寸(自己/小朋友的3隻手指),兩條肌腱之間。

功效:寧心安神,和胃降逆。

操作:按揉3-5分鐘,感覺胃氣脹/稍頭暈時可一直按揉。

===================

MingEC
陳瑜明 註冊中醫師

香港浸會大學中醫學及生物醫學理學雙學士
香港中文大學中醫學理學碩士
國家一級註冊職業資格高級小兒推拿師

小兒百脈匯於兩掌,是歷代中醫由明朝相傳至今的推拿名言,意思是小兒的兩掌匯聚了很多經脈,如果我們用適當的手法推拿按摩,可以做到直接調理內部臟腑的作用。中醫的小兒推拿療法,只要用得其所,輕快的按按揉揉就可以幫助保持小朋友健康!