【新春消滯】媽媽瘦身穴位-中脘&豐隆穴@Healthy Mama

【新春消滯】媽媽瘦身穴位-中脘&豐隆穴@Healthy Mama


貪靚媽媽:「Ming醫師,新年食肥咗又食滯咗,有冇咩計仔呀?」

Ming醫師:「一年容易又新年啦,咁多好野食,曳曳忌唔到口,可能會加重左一些脾胃的症狀,因為食滯左,胃痛、噁心、吞酸、腹脹、泄瀉等等又出現,從中醫角度來說叫做食積,食得多肉類可以煲D山楂蜜棗茶消消肉食,大麥茶亦可以幫忙消飯、面、薯仔等等澱粉類食積。但要留意啦,大麥/麥芽是餵母乳媽媽的剋星,因為會有收奶的作用咖!所以,如果產後或平時想修身,記得保持運動和定時定量的飲食,盡量甜野生冷野煎炸野都要戒啦!記得唔好過度節食呀,因為會令到脾胃有損傷,正所謂唔食D野又邊有力減肥?以下兩個穴位可以輔助大家嘅減肥大計,一齊睇片學啦!」

【中脘】

位置:腹部前正中線上,肚臍上4 寸。

功效:和胃消滯。

操作:按揉2分鐘,約100下,飯後一小時才按,感覺酸脹即可。

【豐隆】

位置:外膝眼(犢鼻)與外踝尖連線的中點。

功效:化痰*寧心安神。

操作:每次按揉2分鐘,約100下,閒時即可按,可用經絡錘或其他工具輔助。

*痰在中醫來說即身體過盛的物質,可理解成脂肪的”原材料”!有媽媽閒時就用工具輔助刺激此穴位(唔做運動+照常飲食),一天可以瘦兩磅呀,即刻試試佢!

 

資料提供:陳瑜明註冊中醫師

Facebook Page:Ming醫師小兒推拿


=====================

MingEC陳瑜明 註冊中醫師

香港浸會大學中醫學及生物醫學理學雙學士
香港中文大學中醫學理學碩士
國家一級註冊職業資格高級小兒推拿師

小兒百脈匯於兩掌,是歷代中醫由明朝相傳至今的推拿名言,意思是小兒的兩掌匯聚了很多經脈,如果我們用適當的手法推拿按摩,可以做到直接調理內部臟腑的作用。中醫的小兒推拿療法,只要用得其所,輕快的按按揉揉就可以幫助保持小朋友健康!