【等多陣先啦媽咪~5招讓小孩戒掉拖延症!】

【等多陣先啦媽咪~5招讓小孩戒掉拖延症!】


相信每個媽媽都有試過,叫小朋友執玩具、唔好再玩iPad 「等陣先~」、「玩多陣先啦」就會瞬間變咗佢地嘅口頭蟬,拖得一陣得一陣,對佢地嚟講有得玩就梗係要繼續啦!做媽媽嗌唔郁個細路真係好煩惱,鬧又試過、放縱又試過,到底點做先可以令小朋友唔再拖拖拉拉,撇甩拖延症呢?

1. 提醒時間

同小朋友一齊「對錶」、睇時間,設定一個時間限制,例如「而家6點25分,媽媽俾5分鐘時間你,5分鐘之後再過嚟提多你一次,6點30分就要執好野準備出去喇~」每次都提一提小朋友仲有幾多時間,同時從小就讓佢地建立時間觀念。

2. 適時鼓勵

如果小朋友有慢慢開始執野,父母千其唔好吝嗇讚賞同鼓勵,等佢地知道自己做得啱,以後自然都會跟住做喇~爸爸媽媽亦可以做一個動作或者行動去提示小朋友最後倒數嘅時間,例如關燈。

3. 引導小朋友

設定一個合理嘅目標或時間俾小朋友執玩具,因為如果有太多野要收拾的話,細路覺得自己執唔切就當然會鬧脾氣啦~所以當你感覺到小朋友有需要人幫嘅時候,就要引導佢地有禮貌地提出請求,而唔係只係自己幫佢地收拾完就算,分工合作係一個比較好嘅選擇。

4. 解釋收拾原因

如果小朋友之後要返學或者約咗去同朋友仔玩的話,可以提醒佢地點解媽媽要叫佢地限時執野,解釋一下約咗人要守時唔應該要人等嘅原因,將心比己,佢地就會慢慢地自動自覺,唔再拖延喇~

5. 承擔後果

每次都唔好因為小朋友嘅吵鬧而妥協,俾佢地玩完又玩、睇完又睇,反而佢地細個未必知道遲到嘅後果,可以嘗試多啲同佢地講「如果你而家繼續玩唔執野嘅話,因間就少咗時間可以同表哥表姐玩架喇~你係咪想而家自己一個玩多啲?」

下次小朋友又喺度講「等多陣啦~玩多5分鐘先啦~」嘅時候,試下唔好發火話走又或者唔理佢,用呢5招幫幫手~