【ILOVEMAMA X KING PARROT 德國特色夏日親子派對】

【ILOVEMAMA X KING PARROT 德國特色夏日親子派對】


暑期話咁快就過咗一半啦!早排一班媽媽帶埋小朋友參加咗【ILOVEMAMA X KING PARROT德國特色夏日親子派對】,喺三十幾度既炎炎夏日涼住冷氣,嘆德國餐廳嘅「夏」午茶自助餐!

King_photo1_logo

一班MAMA同小朋友一去到,好快就開始享用自助餐夾野食啦!最受小朋友歡迎梗係甜品位置啦,德國特色食物例如脆豬手、德國腸等等都唔輸蝕!當大家食飽哂,原來PARTY嘅精彩地方先即將開始!

King_photo6_logo

餐廳為小朋友準備咗 每人一套小廚師制服同高高嘅廚師帽!等大家著好哂,又整齊又醒神之後,廚師哥哥就出嚟教大家…… 整-野-食!首先教大家整德國麵包Pretzel ,個個小朋友一拎住舊麵團就起勢咁搓,再整成自己心水嘅樣:有心型麵包、字母麵包、仲有爸爸開住Peppa Pig張相俾囡囡照住整

King_photo2_logo

King_photo3_logo

King_photo9_logo

整完麵包都仲未完架!第二樣就係整Cupcake啦!每個小朋友都有兩個焗好嘅CUPCAKE,佢地嘅任務係要拎住忌廉唧袋唧忌廉!之後仲有好多一盤盤嘅食用裝飾品ready俾佢地揀,小朋友見到一盆盆彩虹朱古力針、朱古力星星、珠珠梗係開心啦,仲唔盡情咁放上個cupcake咩!

King_photo7_logo

King_photo8 _logo

玩咗成日咁開心,仲要有得帶住親手整嘅麵包、CUPCAKE、派發嘅證書同禮物包返屋企,唔知小朋友心入面係咪諗緊:可唔可以ENCORE吖~

King_photo4_logo