【日本環球影城懶人包】2019最新活動指南,親子環球影城攻略!

【日本環球影城懶人包】2019最新活動指南,親子環球影城攻略!


日本不嬲都係香港人(特別係女士們)最鐘意去嘅旅遊地點之一,去到日本點少得去環球影城呢?呢個一家大細都鐘意嘅地方充滿刺激好玩嘅遊樂設施,咁大個樂園到底有咩野玩?想做定功課睇下有咩啱小朋友玩,以下會有哂每款機動遊戲嘅身高要求同埋最新2019年限定嘅設施,睇完即刻plan定喇!

Harry Potter 鷹馬的飛行

坐住 Harry Potter 魔法界嘅生物鷹馬喺天上飛,最適合一家大細一齊玩~坐咗上去仲會喺海格小屋同埋南瓜田上空盤旋,啱哂大家可以睇到環球影城嘅風景啊!

刺激度:★★✩✩✩

身高要求
單獨乗坐:122cm
(同行者陪伴之兒童: 92cm以上 )

哈利波特禁忌之旅™

呢個就適合比較大個嘅小朋友同埋大人一齊玩,哈利波特禁忌之旅連續5年榮獲全球No.1乘車遊獎項。呢架列車連3D眼鏡都唔駛,用咗超真實嘅臨場影像--魔法效果、魔龍火炎、催狂魔寒氣,全身都可以感受哈利波特™嘅世界!如果鐘意刺激同冒險嘅小朋友,一定唔可以錯過!

刺激度:★★★★✩

身高要求
身高122cm或以上人士方可使用。

飛天史努比

坐住Snoopy一齊飛上天,有搖控桿可以俾小朋友上升下降,飛嚟飛去,比較舒服同輕鬆嘅遊樂設施,算係入門版機動遊戲。

刺激度:★✩✩✩✩

身高限制
同行者陪伴之兒童: 92cm以上
單獨乗坐:122cm

史努比雲霄飛車大競賽

又係一架周圍遊走嘅小小過山車,喺室內行駛、四圍穿插所以格外刺激架~

刺激度:★★✩✩✩

身高限制
同行者陪伴之兒童:92cm以上
單獨乗坐:122cm

Hello Kitty夢幻蛋糕杯

女孩子最愛嘅Hello Kitty,就連媽媽都會瞬間少女心爆發~小朋友坐入色彩繽紛嘅蛋糕杯入面,同咖啡杯一樣,音樂一邊響、蛋糕杯一邊旋轉~轉埋中間嘅方向盤仲可以愈轉愈快添!

刺激度:★✩✩✩✩

身高限制
同行者陪伴之兒童: 無限制
單獨乗坐:122cm

Elmo GO-GO滑板

同Elmo一齊坐上滑板,喺陸地上面衝浪~方向左轉右轉,大人小朋友都夠哂刺激啊!

刺激度:★★✩✩✩

身高限制
同行者陪伴之兒童: 92cm以上
單獨乗坐:122cm

Moppy熱氣球之旅

大人小朋友未必咁快有時間去其他國家坐熱氣球,只要嚟到日本,呢度都有個一家大細都可以坐嘅熱氣球,飛到上天空就可以睇哂成個日本環球影城喇!呢個熱氣球仲有方向盤,可以俾自己坐嘅熱氣球左轉右轉,飽覽環球風景。

刺激度:★✩✩✩✩

身高限制
同行者陪伴之兒童: 92cm以上
單獨乗坐:122cm

芝麻街大兜風

芝麻街人物都變哂身做車仔,鐘意揸車嘅小朋友就好適合嚟到環球影城嘅中央公園兜兜風喇!(但係相對歲數要比較大個,因為大人唔可以一齊坐架~)

刺激度:★✩✩✩✩

年齢限制
6歲至12歲兒童 
(成人不可乘坐)

Elmo小兜風

如果小朋友細個啲,但係又鐘意揸車愛刺激嘅話,玩呢款細嘅Elmo版賽車就啱啱好喇!

刺激度:★✩✩✩✩

年齢限制
3歲至5歲兒童
(包括6歲未入學孩童。成人不可乘坐)

Elmo泡泡傲遊

嚟到Elmo嘅夢幻世界,小朋友可以騎喺Dorothy上面,展開水上之旅!船仔經過仲會有Elmo嘅肥皂泡陪住~超夢幻嘅呢~

刺激度:★✩✩✩✩

身高限制
同行者陪伴之兒童:92cm以上
單獨乗坐者:122cm
(高於122cm者無法乘坐於前列)

迷你兵團調皮百厭乘車遊

呢度以犀利哥嘅屋企兼研究室作舞台,搭埋犀利哥發明嘅乘坐物,喺犀利哥3個囡囡嘅指揮下,迷你兵團橫飛直衝、上天下海!一直深受小朋友喜愛嘅Minions咁得意,鐘意刺激嘅大人小朋友都應該一戰啊!

刺激度:★★★✩✩

身高要求
獨自乘坐時須有122cm或以上,有隨員陪同時則須102cm或以上。
需要隨行人士(精神及身體健康的中學生或以上人士,並符合使用準則者)陪同的人士

急凍鐳射滑冰車

喺冰上滑嚟滑去,同樣地方向係飄忽不定架~絕對值得鐘意刺激嘅小朋友一玩啊!

刺激度:★★★✩✩

身高要求
獨自乘坐時須有122cm或以上,有隨員陪同時則須92cm或以上。
需要隨行人士(精神及身體健康的中學生或以上人士,並符合使用準則者)陪同的人士

蜘蛛俠驚魂歷險記 – 乘車遊 4K3D

呢個蜘蛛俠驚魂歷險記係史上第一個連續7年世界第一嘅機動遊戲獎項、全球最好玩嘅娛樂設施。用咗世界最尖端嘅「4K3D」技術,迫真程度極高,有100次以上嘅特殊效果,投入感爆登啊!

刺激度:★★★★✩

身高要求
身高122cm或以上(如有隨員陪同則需102cm或以上)人士方可乘坐。

太空幻想列車

呢款二人同坐嘅機動遊戲,載住大人細路一坐上宇宙飛船衝出地球,展開拯救太陽嘅冒險旅程,仲可以睇住各大星球,漆黑中行駛好刺激架~

刺激度:★★★✩✩

身高要求
身高122cm或以上(如有隨員陪同則須102cm或以上)人士方可使用。
※本娛樂設施需要2人同坐
每1名身高102cm或以上、122cm或以下人士須有1名隨員陪同乘坐。

侏儸紀公園 – 乘船遊™

去得樂園又點少得嚟個濕身遊戲呢?小朋友唔怕嘅話,可以帶佢地去熱帶雨林嘅侏羅紀公園探險!唔同類型嘅恐龍都會出現,捱到最後會倒後向下急跌25.9米,準備好濕身嘅心情先好出發啊!

刺激度:★★★✩✩

身高要求
獨自乘坐人士須身高122cm或以上,如有隨員陪同,亦僅限於能獨自乘坐及保持安定姿勢人士乘坐。
(2012年3月14日起,設有身高限制的使用準則)

大白鯊™

大家坐喺遊覽觀光船上面會遇到好多大事發生,除咗大火、沉船之外,仲有最可怕嘅大白鯊!有探險精神嘅小朋友不妨去一探究竟啦~

刺激度:★★★✩✩

身高要求
獨自乘坐人士須身高122cm或以上,如有隨員陪同,亦僅限於能獨自乘坐及保持安定姿勢人士乘坐。
(2012年3月14日起,設有身高限制的使用準則)

2019年5周年最新設施

雷朋三世飛車追逐XR乘車遊

坐上雷朋三世嘅愛車,用咗“XR技術”擴展360度空間去到另一個世界,喺海傍同橫街窄巷超高速行駛,認真刺激萬分!

刺激度:★★★✩✩

身高要求
身高122cm或以上人士(無須他人陪同)可乘坐

期間限定
2019年1月18日(五)~6月23日(日)

名偵探柯南 The World

爸爸媽媽年青嘅時候可能都睇過柯南,今次可以帶埋小朋友同柯南一齊破解謎團,玩真實嘅逃生遊戲「名偵探柯南: The Escape」!不過解謎遊戲最好當然有大人一齊參與啦~

刺激度:★✩✩✩✩

對象年齡
中學生或以上 ※小學生或以下兒童參與體驗時須有監護人陪同

期間限定
2019年1月18日(五)~6月23日(日)

環球奇觀晚間巡遊~Best Of Hollywood~

全球首個雲集哈利波特、變型金剛、侏羅紀世界、迷你兵團嘅夜光巡遊,大家要準備好相機喇!

舉行期間
3月20日(三)~5月31日(五)

SING ON TOUR

於2017年喺日本公映嘅『星夢動物園』曾經係超級賣座嘅卡通電影。喺ILLUMINATION作品之中,佢地仲會首次喺環球影城從卡通片跳出嚟展開真實嘅劇場現場表演,娛樂設施「SING on Tour」更係首次喺日本環球影城全球首次登場添!

作為亞洲最大嘅日本環球影城,見到咁多設施就已經想玩,但係邊度先有最抵門票呢?小編幫大家格埋價!

活動資訊

日本環球影城1日門票
價格:HK$588
購買網址:bit.ly/2GFhcaR

我愛Mama粉絲專享95折優惠碼
>> ilovemama19