《我愛Mama》7、8月之星專訪

《我愛Mama》7、8月之星專訪


首先恭喜蕎蕎和包包獲選為我愛Mama 8月之星,亦感謝蕎蕎媽咪、姨媽和包包一家人出席我們的High Tea Gathering!(十分遺憾7月之星一家臨時無法出席聚會)今次《我愛Mama》一眾小編和兩位精靈的8月之星暢談了一個下午,十分開心呢~

DSC08307b_Fotor

蕎蕎係混血兒,Daddy係土耳其人,Mammy係香港人。宜家蕎媽全職湊女,帶住蕎蕎兩邊走,今次咁岩佢返黎香港2個月,我地先有幸見到蕎蕎妹!一開始蕎蕎好怕醜,於是小編比左張Sticker佢貼係心口,一分鐘都冇佢就摵走左黎玩。無耐後佢就拖住媽咪周圍行,後來開始對住我地笑,全場小編都融化了!

IMG_8335_Fotor

包包一黎到都仲好眼訓咁,不過好快佢就開始適應環境,自己食野。小編都比左張Sticker佢同媽咪貼係心口,暖暖的包包幫媽咪痴完再幫自己痴。包包家姐(10歲)都有出席,小編睇得出兩姊弟感情好好,家姐雖然係到做功課,但都時不時望下包包笑一笑~

資料小檔案

【年齡(出生日期)】

蕎蕎:1歲(04/08/2014)
包包:2歲(13/08/2013)

【出生醫院】

蕎蕎:瑪嘉烈醫院
包包:伊利沙伯醫院

【生產方法】

蕎蕎:順產
包包:剖腹

【出生體重,現時體重】

蕎蕎:6.95磅,18.7磅
包包:7.96磅,26.84磅

【母乳/奶粉?】

蕎蕎:全母乳親餵
包包:出生頭一星期餵母乳,後來因乳頭損裂,改餵奶粉(安滿)

【尿片牌子】

蕎蕎:Pampers(香港版、日本版)
包包:噓噓樂、Pampers

【懷孕&生產過程】

IMG_8336_Fotor

shortcut_icon:懷孕/生產過程最難忘嘅經歷係?

蕎媽:生蕎蕎之前陣痛左三日但都未穿羊水,三日都訓係醫院到冇得走,見到隔離床d媽咪一個個被推去產房生BB,自己一直係到覺得好慘。當時老公每日都黎探我,我已經崩潰狂喊!好彩後尾醫生幫我人手穿羊水,順利生左蕎蕎出黎。

包包媽咪:陀住包包個陣食得唔多野,瘦左十幾磅。因為我子宮位置高,所以一定要開刀生。生包包個陣,醫生話我生家姐個陣開刀後留低左d黏膜之類,所以搞左成個幾鐘先搞掂。

【蕎蕎、包包之日常

DSC08290_Fotor

shortcut_icon:小朋友性格係點?

蕎媽:我覺得蕎蕎似我脾氣差,如果佢想要d咩,唔比佢就會大嗌同尖叫,好心急。

包包媽咪:包包好鐘意照顧小朋友!不過份人都好急,佢想要d咩又係會嗌到你比佢為止

DSC08311_Fotor_Collage_Fotor

shortcut_icon:可唔可以透露下小朋友嘅日程表?

蕎媽:係土耳其就跟爸爸Schedule。爸爸起身返工蕎蕎就起身,仲會遞衫比爸爸著,仲會學爸爸著襪。夜晚9點就訓教。
係香港d時間就會亂左,朝早8點起身食早餐,然後我會帶佢去兒童圖書館,比佢摸下書,睇下書,培養下佢嘅閱讀興趣。晏晝蕎蕎返到去會訓晏教,然後起身食Lunch,3,4點再訓多次教,就帶佢落公園行下。佢好鐘意行路嫁!

包包媽咪:岩岩開始比包包上Playgroup,所以會8點半就叫佢起身飲奶,上完Playgroup就同佢出去食野,之後要訓一個鐘晏教。夜晚我幾點訓佢就幾點訓,以前可能2,3點,宜家10,11點就訓。

【蕎蕎、包包之教育篇】

IMG_8337_Fotor

shortcut_icon:小朋友開始出去學野未?

蕎媽:宜家仲諗緊比蕎蕎係邊邊讀書好,所以都未學野住,不過差唔多都要決定喇。

包包媽咪:宜家淨係比佢去Playgroup唱下歌玩下,我唔會谷佢學野,宜家d小朋友十項全能太辛苦喇!

shortcut_icon:平時小朋友唔乖,邊個教?

蕎媽:爸爸要返工,收左工淨係同蕎蕎玩,所以都係我教。

包包媽咪:兩個都會教。通常爸爸教就會話:「媽咪都鬧喇」,我教就會話:「爸爸都鬧喇」,咁佢就會驚。

DSC08312_Fotor

shortcut_icon:小朋友會唔會扭買野?會點處理?

蕎媽:唔會呀,不過蕎蕎似足姨媽,好鐘意睇衫,仲話要試,反而我就係個種睇岩就買,唔會試嘅人。

包包媽咪:會嫁!通常我會比佢拎住先,去到要走喇,就叫佢放返低,如果平都會買嘅。有次佢拉爸爸入零食物語,自己拎左包餅叫爸爸比錢,原來係之前我細妹帶過佢去買呢隻餅。

image1_Fotor_Collage_Fotor

【Enjoy Being a Mom……】

DSC08294b_Fotor

shortcut_icon:點樣認識《我愛Mama》團購網?

蕎媽:我家姐同我講嫁!

包包媽咪:好早之前就Join左,我有Keep住收你地Email嫁!

DSC08311_Fotor

shortcut_icon:你享受做媽媽嗎?

蕎媽:享受!樣樣野都好開心,見到蕎蕎d頭髮我就會笑,唔知點解覺得好好笑。不過頭幾個月好攰,由其是餵人奶,不過後尾覺得幾好,又方便又唔洗用奶樽。

包包媽咪:享受!每次見到家姐同包包一齊玩,好幸福好融洽,我就覺得幾辛苦都值得!

DSC08305_Fotor

 

祝蕎蕎同包包身體健康,快高長大,兩家人繼續幸福落去~