小朋友唔一定要返學 香港都可以「在家自學」!

小朋友唔一定要返學 香港都可以「在家自學」!


好多媽媽聽到homeschooling都會以為得外國先有,因為我哋成日聽住「十二年免費教育」就以為小朋友一定要返學,其實並唔係!香港學生接受十二年免費教育只係權利唔係義務,如果15歲以下嘅小朋友拒絕返學,教育局方面發現家長冇「合理辯解」,經了解後,可以向家長發出入學令,違反入學令嘅先會犯法。香港有一個「在家自學」嘅群組,組入面有超過50個家庭嘅小朋友冇返學,而係由家人授課,教育局亦會派人定期觀察自學家庭。

IMG_0019_S137-140513160641

▲藝人方大同和陳明恩細個都係香港由媽媽授課。

 

「教育大同」創辦人及執行委員會主席張惠侶嘅2個囡囡分別係11歲同13歲開始在家自學。

因為佢認為學校要教育大量學生,好難做到因材施教同全人教育如果家長可以親身教學,可以令小朋友學到更多,於是佢當時主動send email比教育局提出想兩個囡囡都在家自學。後來佢同兩位官員見面解釋理由,而官員要睇家長制定嘅學習課程同父母嘅教學分工,仲訪問兩位囡囡,叫佢地即場朗讀。好快官員就同意兩位囡囡可以在家自學,而專責小組會定期家訪跟進。

香港农场创办人在教张惠侣及两个女儿如何在阳台种菜
▲張惠侶同2個囡囡

至於教材方面,部分外國媽媽會選擇用網上教材,亦有人選擇報讀學校、由學校寄教材。好似呢個外國媽媽Blogger咁,佢選擇homeschool 4個小朋友,佢除咗會買教材同自製教材,仲會係網上同大家分享homeschooling經驗,甚至會上傳教學工作紙比大家下載。

tripp-fam-edited-watermarked-1024x683

22

Goals-for-Mind-Body-and-Soul-768x1024
▲呢位媽媽係網上分享唔少免費教材。

Periodic-Table-Battleship-1024x678
▲佢仲會設計唔同教材比小朋友玩,從遊戲中學習!

呢位媽媽除咗會用書本教學,仲會設計好多活動比小朋友玩、帶佢哋去戶外學習、探索同考察旅行。 雖然佢都設定咗課程schedule,但好有彈性,如果個日有突發情況,媽媽就可以隨時改變計劃!

2015/16學年開學5個月已經有十個學童自殺,引起社會各界關於學習壓力問題,如果父母能力許可,Homeschooling或者係香港家長同小朋友嘅其中一條出路。