【HolidayMama】全港最多人聖誕打卡熱點! 絕對不能錯過的「香港日與夜」

【HolidayMama】全港最多人聖誕打卡熱點! 絕對不能錯過的「香港日與夜」


海港城一直係滿載聖誕歡樂回憶嘅「寶城」,年年聖誕大家都一定會嚟「尋寶」,感受呢度獨有嘅節日氣氛,同屋企人、朋友一齊歡度佳節!

今年聖誕,海港城以「Christmas Treasures」 尋找聖誕瑰寶做主題,打造全港最浪漫嘅聖誕打卡熱點!海港城史無前例地喺海運大廈露天廣場起咗個超過40米長嘅聖誕大橋以及60呎巨型戶外聖誕樹。聖誕大橋化身成全港首條「愛心鎖橋」,等各位爸爸媽媽可以將祝願同埋對摯愛嘅說話寫喺心型鎖上面,再扣上大橋,唔同顏色嘅心鎖都代表住唔同嘅祝福架~節日限定聖誕郵局仲可印刷精美嘅專屬明信片,大家可以喺滿載聖誕氣氛嘅場景影相,將獨一無二嘅明信片入落聖誕大郵筒,傳遞聖誕瑰寶﹗最後記得唔好 miss 咗全球最大嘅影像萬花筒,大家可以置身其中行上 LED 屏幕,同動感十足嘅聖誕主題影像,透過三角鏡折射,營造超現實世界!

全球最大聖誕影像萬花筒

全球最大 (長16米、闊4.5米、高4.5米) 嘅三角鏡影像萬花筒融合音樂同影像,透過萬花筒底部嘅 LED 屏幕播放巨型三角鏡折射,等大家好似置身喺萬花筒入面,經歷多個聖誕場景。大家只需要捐款支持「香港血癌基金」,就可以入到秘境,欣賞影像萬花筒影相、拍片、打卡架喇!
日期 ﹕14/11/2018 – 1/1/2019
時間 ﹕12nn – 9pm
登記地點﹕海港城海運大廈3樓 (近OT 313 Ralph Lauren)
每節時間﹕約10分鐘
換領入場證方法﹕即場捐款港幣$50

慈善愛心鎖

顧客只需捐款HK$20,即可挑選代表不同寓意嗁愛心鎖一個 (不包括鑰匙),將祝願寫喺鎖上並扣到聖誕大橋。9款「LOVE LOCK」代表不同心願;金: 幸運 / 銀: 財富 / 白: 美麗 / 紅: 愛情 / 桃紅: 家庭 /  粉紅: 健康 / 黃: 學業/  藍: 友誼 / 紫: 事業。
日期 ﹕16/11/2018 – 1/1/2019
時間 ﹕12nn – 9pm
地點 ﹕海港城海運大廈露天廣場

幸會聖誕老人

只需捐款HK$100,各位大小朋友就可以喺聖誕大橋及巨型聖誕樹前面同聖誕老人見面,會面後更可以獲即影即有相一張,等您可以隨時回味!
日期﹕1 –  23/12/2018 (逢星期六及日)
時間:7:30pm – 9pm
地點:海港城海運大廈露天廣場

聖誕音樂燈光匯演

成條聖誕大橋、巨型聖誕樹及其他聖誕裝置耗用咗超過20萬顆LED燈並佈滿電腦燈飾,配埋充滿節奏感嘅聖誕音樂,定時上演「聖誕音樂燈光匯演」。
日期 ﹕16/11/2018 – 1/1/2019
時間 :6pm – 10pm (逢正點、30分開始)
地點 :海港城海運大廈露天廣場

聖誕步操樂

海港城邀請曾經代表香港參賽並榮獲國際冠軍嘅珀珈斯樂團,演奏結合步操與樂器演奏嘅節日表演。
日期 ﹕1, 2, 15, 16, 22 & 23/12/2018
時間 :6pm & 7pm
地點 :海港城海運大廈露天廣場