【懶人包】2017/18免費幼稚園教育政策知多啲!

【懶人包】2017/18免費幼稚園教育政策知多啲!


日前行政長官宣讀2016施政報告,宣布由2017/18學年起,落實免費優質幼稚園教育政策,向合資格的本地非牟利幼稚園提供基本資助,讓幼稚園為所有合資格兒童提供3年優質半日制服務,預計約七至八成的半日制幼稚園學位將會免費。

1
(Youtube截圖/政府新聞處 ISD, HKSARG)

相信唔少家長聽到以上內容都有啲一頭霧水,究竟我小朋友讀個間幼稚園係咪免費呢?以後仲有冇學券呢?《我愛Mama》幫你搜集資料,等各位媽媽輕輕鬆鬆了解晒!

Q:以後仲有冇學券呢?
A:仲有的,只不過政府將於2017/18學年提升學券資助額,而當學券資助額Cover到個間幼稚園嘅學費,家長就唔洗再補錢交學費,變相即係「免費」喇!

Q:點知小朋友讀個間幼稚園係咪免費呢?
A:首要條件係間幼稚園有參加「學前教育學券計劃」 ,如有的話,提升後嘅學券資助額Cover到學費就等於免費喇。

Q:咁學券資助額將會提升到幾多?
A:想知每個學生每年學券資助額有咩改變,睇以下個表就知!



其他相關措施:

1. 政府亦將為合資格的全日制及長全日制幼稚園提供額外資助,以及修訂規劃標準,逐步提供更多全日制學額

2. 政府加強照顧有經濟需要的學童、非華語學童及有不同學習需要的學童

3. 在新政策落實前,行政長官將請「關愛基金」考慮在2016/17學年,先為有經濟需要的家庭提供一次過的幼稚園學生就學開支津貼

3. 進一步改善師生比例至1:11,加強照顧兒童的多元需要,並鼓勵幼稚園設立專業階梯及提供具競爭力的薪酬,吸引和挽留優秀教師。

教育人士意見

「爭取15年免費教育大聯盟」召集人、香港教育學院教育政策與領導學系教授袁慧筠認為有關措施有進步,因為政府給予學校更多資助,但資助方式亦很重要,加上有關措施並不具體,不但沒有正視學校質素差異問題,亦不利弱勢學校發展。(SHUONLINE)

長全日制幼稚園知多啲

長全日制幼稚園除咗提供全日制上課時間外,仲設有延長服務時間, 幫家長照顧小朋友到夜晚八點,此外,長全日制幼稚園係假期、惡劣天氣等停課嘅安排上會配合家長需要,所以長全日制幼稚園嘅學校假期比較少,惡劣天氣停課的安排亦較彈性,讓家長可以較大空間安排全職上班。

資料來源:policyaddress.gov.hk