【父親節實驗短片】親子默契大考驗 玩轉爸B過三關!

【父親節實驗短片】親子默契大考驗 玩轉爸B過三關!


平日爸爸要返工會唔會好少時間陪小朋友?爸爸同小朋友之間嘅感情同默契又有幾深?我愛Mama決定趁住父親節幫一班媽媽考驗下爸爸!

實驗過程

第一關:蒙著眼睛認仔女

平時爸爸多唔多同小朋友身體接觸、拖手仔?今次就考考爸爸有幾熟悉小朋友嘅手仔啦!

玩法:6個爸爸要蒙住眼,單靠摸手仔認出自己囝囝/囡囡!

結果6對入面有4對估中,估中嘅爸爸開心到Yeah出嚟呀!至於估錯咗個兩個今晚可能冇飯食啦~

第二關:猜猜畫畫爸爸版

平日小朋友畫畫多數送俾媽咪,爸爸又有冇留意過自己小朋友嘅畫風?或者多唔多同小朋友一齊畫畫?

玩法:每個小朋友都要畫出心目中嘅爸爸,然後爸爸要估邊幅係自己小朋友畫嘅畫!

有兩個爸爸揀同一幅畫呀 :o 最後得3位爸爸估中,真係要再努力啲啦!

第三關:默契大考驗

小朋友成日都會同Mama講自己鐘意&唔鐘意d咩,但爸爸又知唔知呢?

玩法:爸爸同小朋友要同時回答有關小朋友喜好嘅問題,一齊答出一樣嘅就過關!

睇嚟3位爸爸要花多d時間了解小朋友啦 :p

最後每位小朋友都準備咗份父親節禮物比爸爸,祝爸爸們父親節快樂!

特別鳴謝6對爸爸媽媽同小朋友同我地一齊做實驗!

5

今日我地玩到爸爸攤攤腰,其實都係想爸爸們花多d時間同小朋友相處,咁自然就會了解佢地更多^^ 父親節快樂!