【陪月姐姐傳授】自家製無激素滴雞精@孕媽手記

【陪月姐姐傳授】自家製無激素滴雞精@孕媽手記


近年好流行飲滴雞精補身,無論係準備懷孕、大緊肚定係坐月補身都好受媽媽們歡迎,不過出面多數都係即食包裝,你又知唔知自己係屋企都可以整滴雞精呢?今日就由陪月姐姐同Blogger靚媽(產後半個月嘅人奶媽媽)傳授大家自家製無激素滴雞精嘅方法,你地都試下滴啦~

材料:嘉美雞半隻/一隻、薑2片

用具:大煲、燉盅

做法:

1. 在大煲中注水,後放入燉盅,把大煲中的水煲滾備用。

2. 準備一隻/半隻嘉美雞,因為佢標榜無激素,用嚟整雞精最好都係買D靚雞!
將雞清洗後去除全部內臟,再用刀背將雞骨拍碎,拍到成隻雞軟淋淋,最後將雞斬成細件。

8 11

3. 在燉盅內放入兩片薑(不用拍),如想更補可加入1-2條冬蟲夏草,然後在薑塊上反轉蓋上一個飯/湯碗(如用一隻雞就用大湯碗,半隻雞就用飯碗)

12 7

4. 將雞件鋪在碗上並蓋上燉盅,用中火燉半小時,後用細火燉2.5小時。如果中途大煲沒有水就要再添加。

6 5)

4. 燉完後將雞件小心翼翼地取出(千萬不要移動下面的碗),然後將湯碗拿起,就會見到珍貴的滴雞精!

File_001(4) File_001(2) File_001(1)

 

10 9

2
餵緊人奶嘅靚媽話真係好好飲,好鮮甜!大家可以選擇去油先飲,但因為靚媽想餵人奶有多D脂肪,就無去晒~

3
靚媽話自製嘅滴雞精比起即食嘅滴雞精更鮮甜同金黃:)

陪月姐姐小貼士:

Untitled-1

滴雞精要順產十二朝後可以飲,開刀就要二十朝後先飲得!

用呢個方法都可以燉肉汁,順產三四日後就飲得,而開刀最好就十二朝後先飲~

不過有時都會睇下個別人身體,若是產後身體太虛弱,可提早試試!

健康小貼士:

由於雞精除咗有豐富蛋白質之外,都含有鉀、鈉離子,所以唔係人人都適合飲㗎!患有慢性腎臟、高血壓、痛風患者就要特別小心,建議食用前都諮詢專業人員意見比較好。

鳴謝:靚媽湊B記 & 陪月姐姐