研究:延遲剪臍帶繼續供血 增加BB鐵質及血紅素

研究:延遲剪臍帶繼續供血 增加BB鐵質及血紅素


喺香港多數BB一出世就會即刻夾臍帶&剪臍帶,但原來幾年前已經有研究指出產婦延遲剪臍帶,胎盤可以繼續為BB供血,有助提高BB鐵質同血紅素水平!

1

真實個案

cover

外國有位媽媽就分享佢延遲15分鐘剪臍帶嘅圖片,可以睇得出臍帶由厚身、捲曲同藍紫色,慢慢變成扁平同白色,可見血液真係繼續輸送比BB!

國外研究&報導

- 麥克馬斯特大學專家回顧15項臨床測試,結果顯示,出世一分鐘或之後先剪臍帶嘅BB喺在出世後24-48小時內嘅血紅素水平比即時剪臍帶嘅BB高,而前者喺3-6個月大出現鐵質不足嘅風險較低。因為BB延遲剪臍帶可以從胎盤獲取多d血液。

-《英國醫學雜誌》都刊登過婦產科專家文章指出, 醫生同助產士應該停止BB一出世就即刻剪臍帶嘅做法, 應該等幾分鐘之後先剪臍帶。

世界衛生組織都建議所有BB出生後等1-3分鐘先剪臍帶,不過世衛同時提醒呢個做法可能會增加BB黃疸嘅機會。

-不這有報導指出目前西方國家婦產科醫生多數都喺BB出世後即刻剪斷同結紮臍帶,因為擔心遲剪臍帶會導致BB感染黃疸或者患上紅細胞過多症,亦有婦產科專家表示, 遲剪臍帶嘅安全性仍需要大量臨床研究證實。

參考資料:
http://www.nurturingheartsbirthservices.com/blog/?p=1542

http://www.who.int/elena/titles/full_recommendations/cord_clamping/en/#

http://hk.apple.nextmedia.com/news/art/20130712/18331897