【親子好去處】馬鞍山全新親子餐廳~多達10個遊戲區嘅 Whizbo Kids Cafe

【親子好去處】馬鞍山全新親子餐廳~多達10個遊戲區嘅 Whizbo Kids Cafe


木粒沙池x廚房玩具x角色扮演x波波池x彩虹繩網x有機冇激素西式美食

對上一次黎We Go Mall 已經係上年五月嘅事!餐廳精心設計,Whizbo Kids Cafe今日終於開幕啦!呢度5000多呎!玩得舒適~仲有高質西餐,玩樂同時可以享受美食!

餐廳免費提供襪子,有可愛腳印防滑底!

大人同小朋友都必須穿上,才可以進場~

門口位置有多個鞋櫃

三歲小朋友可以穿上!

襪子可以帶走啊,下次再來玩時,自行攜帶進場前穿上可以扣減$5

跟住消毒雙手就可以入場啦!

餐廳引用三大理念 !

創意藝術~環保概念~愛心公益

適合一家大細,最多可容納140人!

入門口位置就有一個大沙池!

係木粒沙池嚟㗎!可以刺激小朋友觸感,輕身又好玩!唔怕玩到周身污糟~

小朋友最愛嘅夢幻化妝間,同小煮子天地!

木製廚房像真度極高!完全為小朋友高度而設!

廚房用具食品一應俱全!

仲有清潔工具!地拖、掃把、塵掃⋯

最正就係呢個小朋友版Dyson神吸塵機!

似模似樣!可以幫手吸塵啦!

雪櫃呀!又係小朋友最愛!入邊仲有孖條,

平時屋企冇得開,喺度可以任開任關!哈哈

仲有得行超級市場,架超市車仔勁正!一樣架!麵包係淋滋滋質地,好得意!蔬菜生果係用布製的~

女孩子最愛嘅衣帽化妝間

可以黎扮靚靚啦!

男孩子都有嘅!可以角色扮演一下

帶左一頂帽子扮司機推BB車⋯

點少得女孩子嘅公主裙!

雪白波波池,波波輕身軟的!

小朋友跳落去游水好開心!

仲有個觸感螢幕,可以玩投波波

七彩彩虹繩網~鍾意爬來爬去嘅小朋友必玩!

另一邊係油畫創意區~魚樂天堂

小朋友填下顏色、畫畫~創意無限啊!

圖畫經過掃描器處理後,即可投影在大螢幕上,看到自己的立體魚魚游來游去啊!

Party服務,仲有影相機photo booth

綠色環保創意工作坊及天台種植:

Whizbo Kids Cafe 將會有不同主題的特式親子班、特設綠色環保創意工作坊,提升小朋友的環保意識及種植概念

跟住係享受下party美食先~

餐廳提供本地新鮮菜肴,配料均是天然自行有機種植,並採用無激素的食材,大人小朋友都食得健康!

好貼心,枱面係小朋友高度~

小朋友可以自行選擇喜歡的食物!

Party美食,味道不錯!款式亦多選擇!

係度開派對不錯!

餐廳餐牌更有多款是可愛造型美食,令小朋友玩得開心,更食得開心!

越式鮮芒什菜捲配特製酸辣汁 (素食,$98)

健康爽口的什菜捲,芒果、三色椒、椰菜、西芹等蔬菜,裹上越式薄米紙後切成精緻的彩虹什菜捲,味道清新!

粟米肉粒布甸飯 ($128)

粟米蛋炒飯係可愛卡通布甸狗造型!加上肉鬆,汁料拌飯一流,味道香甜!

小熊白汁三文魚飯 ($158)

小熊茄汁飯好可愛呀,甜酸飯粒香軟開胃,芝士白汁、小蕃茄、四季豆及南瓜塊砌出泳池咁,係水中漂浮~健康好食!

小魔女通粉 ($138)

茄汁螺絲粉是製成魔女的卷髮,配上水蜜桃、西蘭花、彩椒等新鮮蔬菜,味道清新爽脆

我真係麥樂雞 ($48/4件、$78/8件)

新鮮無激素手打雞肉,並健康食油炸至金黃香口,件件麥樂雞外脆肉嫩,好食到停唔到口!

卡通三文治($78)

小熊造型,非常可愛!芝士火腿夾心,簡單好味!

馬介休薯球 ($98)

選用澳門進口鹽醃鱈魚,外皮香脆內薯軟滑!

韓式媽媽雜菜拌飯 (素食,$128)

為小朋友送上五種健康顏色的韓國「阿豬媽」飯,頭髮分別以青瓜、木耳、紫椰菜及蘿蔔絲三色蔬菜拼砌而成,營養又健康!

泡沫咖啡($48)

店內提供舒適BB椅

Whizbo Kids Cafe 所採用荷蘭品牌的 “Zuperzozial” 餐具,愛孩子也愛地球媽媽、愛惜環保生態可持續發展!

有興趣亦可在店內購買啊!

細心地為媽媽設立一間舒適而私隱度高的小房間,作為換片或哺乳之用

設有親子洗手間,乾淨衛生!

一班媽媽小朋友們玩得好開心啊!

開party、生日會、百日宴不錯的選擇!

收費:

星期一至五

大人最低消費$80 / 小朋友入場費$158 (3小時)

下午茶 限一至五 2pm-5pm

大人最低消費$50 / 小朋友入場費$48 (1小時)

星期六日及公眾假期

大人最低消費$120 / 小朋友入場費$188 (2小時)

*140cm以上大人收費計

*手抱嬰兒及不佔座位免費

餐廳主打新派西式美食,菜式由小食、湯類、沙律、各款主菜、飯及意粉、三文治及薄餅、甜品以至鮮打果汁等,高纖、營養、美味並重,照顧大人小朋友口味!餐牌如下

派對及包場服務 ~特設特大活動空間、更有貴賓室可容納10~40人,方便大小朋友舉行私人派對活動。另設40~150人包場安排,更可為主角打造主題生日,多款其它服務安排!

後感:食物款式種類多,而且健康好味!俾小朋友食嘅菜式味道較清,唔會太咸,一家大細都啱食!

玩樂地方係用餐位置兩邊,父母可以享受美食同時可以睇住小朋友玩!唔使再追住小朋友玩冇啖好食!

==================

Whizbo Kids Cafe

地址:馬鞍山保泰街16號We Go Mall 4樓405鋪(恆安A出口,穿過隧道轉左方向直行8分鐘)

訂座電話:2623 0396 / Whatsapp: 5426 0088

Facebook專頁:

https://www.facebook.com/WhizboKidsCafe/

其他交通:

https://www.wegomall.hk/location

==================

Hello~我係初初,懷孕時已辭去工作,轉做全職媽媽,仔仔出世後開始分享親子好去處,幼兒食譜及我的扮靚減肥心得。

Facebook:初初我要做靚媽