小兒秋冬湯水(咳嗽、哮喘、流鼻血篇)

小兒秋冬湯水(咳嗽、哮喘、流鼻血篇)


呢排天氣時凍時熱,小朋友好易病,加上返個學一傳十十傳百,想好返都難呀!加上天氣乾燥,小朋友容易流鼻血,而氣管敏感嘅小朋友就最怕冷親,除左睇醫生食藥,湯水都好緊要!

止咳化痰

77873626-467959

傷風感冒過後好多時都係仲未止到咳,食極藥都冇用?可以試下以下湯水!

首先搞清楚小朋友係寒咳定熱咳!

寒咳:痰白而稀、喉嚨痕癢

熱咳:痰黃、口渴、喉嚨痛

寒咳湯水

1. 蘿蔔汁半碗、生薑汁半茶匙、麥芽糖少許,調勻後燉熱服。

2. 紫蘇3錢、生薑3片、北杏2錢、紅糖適量,用4碗水煮成2碗服。

3. 橘餅1兩、大蒜5錢、切碎用3碗水煮成碗半服。

熱咳湯水

1. 桑葉、菊花、杏仁各3錢、白糖適量,用4碗水煮成2碗服。

2. 川貝3錢、雪梨2個、冰糖適量、2碗水燉服(2歲以上可用蜜糖)

3. 鮮龍脷葉1兩、鮮枇杷葉5錢、杏仁5錢、雪梨2個、瘦肉4兩,6碗水煮成3碗服 (感冒後痰多咳嗽,可加羅漢果半個同煮)

4. 紅蘿蔔馬蹄麥冬水

11.2-600x450

紅蘿蔔1個、馬蹄6粒、麥冬1湯匙。 紅蘿蔔去皮,切片;馬蹄去皮;1麥冬浸洗。將材料放入煲內,用5碗水煮45分鐘即可食用。可加瘦肉、杏仁、無花果等煲作家常湯水。

馬蹄能清熱生津、開胃消食、潤燥化痰、清音明目。對熱病口渴、咽喉腫痛、口瘡目赤,燥熱咳嗽等病皆適合。

哮喘

M1090129_asthma_WEB-20140717093623940

中醫將哮喘分為三期,包括發作期、緩解期及穩定期。係緩解期,小朋友可能無任何症狀,或者淨係表現為過敏性鼻炎同咽炎嘅症狀。呢個時候可以多用補益肺脾腎的食療作調理。

1. 北茋、太子參、虎乳靈芝各3錢煲豬肺湯。對氣虛食慾不振,流虛汗嘅小朋友好有益。

2.杏汁白果核桃芡實湯(補腎納氣、健脾益肺)

用料:杏仁粉1湯匙、白果10粒、核桃肉6顆、芡實5錢、腐皮1/4張、陳皮1塊。

做法:白果去芯,核桃肉、芡實、陳皮浸洗;杏仁粉用1湯匙水調勻;將全部材料放入煲內,用7碗水煮1小時,調入杏仁粉漿煮5分鐘即成,飲湯吃湯料。

注意事項:白果芯有小毒,必須去除,小朋友好1歲食1粒、2歲食2粒,如此類推。此湯鹹甜皆宜,甜者加冰糖,鹹者可以加豬肺或鷓鴣同煮,療效更佳。

3. 燉冬蟲夏草湯

流鼻血

天氣乾燥小朋友好易流鼻血。小朋友嘅鼻黏膜大多係6歲前仲未發育完成,如果細個個陣個鼻曾經受損,好容易會因為空氣刺激、大力打乞嚔、挖鼻孔或急性感染,引起發炎反應令黏膜較脆弱部分再次出血。

DSCN1645_Fotor


茅根雪梨藕節湯(涼血止血,清熱潤肺)

用料:鮮茅根1兩,雪梨1個,鮮蓮藕節3個

做法:茅根洗淨,切段;雪梨洗淨,切開去核;藕節洗淨;將全部材料用5碗水煮1小時。

可以加少許冰糖。

 

來源:芳姐保健湯餸