營養師推薦十大提升免疫力食物 這個冬天踢走感冒!

營養師推薦十大提升免疫力食物 這個冬天踢走感冒!


香港呢兩個月忽冷忽熱,唔好話小朋友,大人都好易中招感冒!屋企只要有一個人病咗,幾乎都無一倖免。想預防感冒除咗可以戴口罩、食維他命丸、避免太操勞同運動外,飲食都好重要,營養師Andrea Moss推介以下十種可以增強免疫力嘅食物,今個冬天我哋一齊擊退感冒菌!

1. 蒜頭

好多人都知道蒜頭殺菌,但原來佢仲可以提高免疫力!

營養師Andrea Moss建議喉嚨岩岩開始不適嘅人可以將一瓣蒜頭切成四、五粒,再好似食藥丸咁吞落肚因為過程不經咀嚼,就唔會有口氣!

1

2. 乳酪

營養師Andrea Moss建議大家每日都keep住食少少乳酪。乳酪中含有益生菌,可以幫助增強免疫力同腸臟蠕動,佢話人類有7至8成免疫系統係存在於腸部,所以維持腸臟健康對免疫力有好大幫助!

3

3. 高湯(骨湯)

外國人會飲雞湯黎治療傷風,營養師話其他骨湯有相同功能,就係幫人補充水份,特別係季節性病好易令人脫水。

2

4.西蘭花

西蘭花比起一般蔬菜更有效提升免疫力。而西蘭花屬十字花科蔬菜,可以幫助排毒同預防疾病!營養師Andrea Moss話如果肝臟排唔到毒都可以會導致疾病,佢建議每星期最少食兩次西蘭花

8

5. 磨菇

磨菇含有可以殺菌嘅物質,支持免疫力。除此之外,佢含有維他命D,雖然曬太陽可以得到,但冬天我哋可能會吸收得比較少。佢亦係抗癌食物,已經有研究顯示可以降低乳癌風險,媽媽們要食多啲呀!營養師Andrea Moss建議每日食用磨菇。

9

6.西瓜

西瓜含有豐富維他命C,維他命A同高濃度茄紅素,提供好多建構生命嘅元素,有效減少感染。營養師Andrea Moss建議一年四季都食西瓜,不過冬天搵唔到靚西瓜都可以食蕃茄代替。7

7. 肉桂

肉桂用黎伴咖啡就聽得多,但增加免疫力都係第一次聽。營養師Andrea Moss話肉桂可以抗菌,肉桂樹皮仲含有可以幫助消化嘅油分。

6

8. 西柚

好多人傷風就會飲橙汁,但營養師建議大家食半個西柚,因為西柚糖分較低,又可以舒緩傷風症狀。佢建議一般人每星期可以食幾次西柚增加免疫力!

5

9. 菠菜

菠茶含有豐富葉酸,可以幫助修復細胞。佢亦含有豐富維他命C、鉀同鎂。營養師建議每星期食2-3次。

4

10. 蠔

蠔含有豐富嘅鋅,可以增強免疫力,仲可以舒緩感冒

10

資料來源:DailyMail