【順產孕事】台灣孕媽水中分娩全紀錄:很辛苦但值得@PregnantMama

【順產孕事】台灣孕媽水中分娩全紀錄:很辛苦但值得@PregnantMama


近年唔少孕媽都對水中分娩好有興趣!片中來自台灣嘅捏媽就話水中分娩係溫柔生產,主張唔打無痛唔灌腸唔剪會陰, 加上佢懷孕期間經常游水,感覺游緊水嗰陣肚中囡囡都特別平靜,於是就決定要水中分娩!而最吸引佢嘅係BB可以一出世就可以瞓喺媽媽身上1-2個鐘 自己搵乳頭飲初乳,直到臍帶動脈停止跳動先由爸爸親手剪斷。媽媽話呢種Skin-to-Skin嘅感覺真係好美好!最後佢話:「無論自然產、剖腹產、溫柔生產都是很棒的生產方式,沒有哪種是最好,只要是適合自己狀況的就是最棒最美的生產」!
 
婦產科醫生話你知:婦產科專科醫生陳少慧就話水中分娩相信可以減少整體陣痛,因為產婦可以停留喺一個溫暖環境入面等待生產 加上喺水中浮起會冇咗局部壓力,而水壓更可以令分娩時陰道壓力平均D,可能可以減少會陰撕裂嘅現象。
 
水中分娩有冇風險
不過想試水中分娩嘅媽媽就要留意,水池嘅衛生情況係非常重要,因為如果水池唔乾淨,就有機會導致子宮、產道或BB受到細菌感染,醫生護士都有機會受到交叉感染。另外因為分娩過程中難以監察胎兒心跳,如果接生過程出現問題,有機會令新生嬰兒浸親而導致併發症,甚至死亡。
 
香港有冇得水中分娩
喺香港受訓嘅醫生一般都冇接受過相關訓練,而香港亦冇醫院提供水中生產服務。

影片授權:捏捏媽Natasha
PregnantMama顧問醫生:Dr.Chen Siu Wai 陳少慧醫生