養胎不養肉!八磅B是這樣養成的(孕期飲食秘訣大公開)-靚媽@PregnantMama

養胎不養肉!八磅B是這樣養成的(孕期飲食秘訣大公開)-靚媽@PregnantMama


靚媽係陀B五個月時俾人話個肚細,其實當時肚中靚B都比預期大左兩周,所以肚既大小同胎既大細係無咩直接關係既。加上靚媽由細到大身形都偏瘦,產前一直維持105磅,懷孕頭三個月更因為嘔吐,磅數跌破100磅。不過,瘦媽唔一定生瘦B㗎!靚B出生有八磅多,一向瘦底既靚媽在懷孕期是有用心經營的。以下就有D小秘訣想同大家分享:

1. 心情要放鬆

醫生每一次幫靚媽檢查都會問靚媽返工忙唔忙,佢話工作唔忙個B應該可以重磅d。靚媽性格一向心急,完美主義,有時更有d浮躁。所以,靚媽時時刻刻提醒自己,無任何事情可以影響自己情緒。靚媽都估唔到,自己於懷孕時,可以將一切放下,嗰時既靚媽有可能係一生人中表現得最溫柔最和順嘅時候。靚媽終於明白,為咗BB,只要有決心同動力,連性格都可以改變。

2. 飲食要留意

靚媽一向不認同懷孕要戒口既理論,反而認為戒口會影響BB既健康同埋增加將來對食物敏感既機會。靚媽除左生冷野之外 ,平日食開既野都會食!(生冷野好有機會有李斯特菌及弓形蟲,十分十分危險,孕婦盡量唔好食啊!)不過,狂食係對長胎無用㗎,反而會增加患有妊娠糖尿病既風險。靚媽唔係營養師,不過係懷孕期都幾健康,增左20幾磅,誕下八磅B,而產後兩個月既靚媽還有幾磅就去返產前磅數,靚媽經營既懷孕plan 都總算叫有效。靚媽覺得懷孕飲食係一個concept,並無劃一餐單。大家可以參考下:

早餐
早餐以奶類製品為主,一定會食蛋同飲奶,增加蛋白質。

例如:牛奶/豆漿/媽媽奶+麥皮+蛋+獨立包裝芝士 (有時會食麥當當熱香餅令自己開心)

早餐後/午餐前:水果一個(細蘋果/橙/細條蕉)+合桃/花生等堅果/紫菜

3

午餐
必定預計晚餐會吃什麼,才決定午餐吃什麼。如果在家吃晚餐的話,午餐外出時會多吃肉,有時會放肆點吃自己喜歡但比較油膩既炒河,因為屋企飯可以選擇少油少鹽清淡d。

(預計晚餐在家吃):以肉為主
例如:牛肉飯少飯/牛腩麵加灼菜心/豬排飯少飯…..

(預計晚餐不在家吃):要吃得清淡點
例如:雲吞麵/鰻魚飯/豆腐什菜豬肉鍋/燒魚/蒸魚飯……

2

下午茶(必須的)
輕食類
例如:水果一個/杯(會加牛油果)+堅果/紫菜+鮮奶/豆漿一支。如果太肚餓會吃菜肉餃子或燒鴨米粉

7

晚餐:
(在家吃)以蒸為主
例如:蒸蝦/蟹/魚/南瓜排骨/豆腐魚肉+炒菜+湯 +飯前果(有時亦會食西餐,如鮮茄大蝦意大利粉、自家製肉醬意粉)

6 photos

懷孕期吃魚可以吸收蛋白質及DHA,不過有好多魚都含有水銀、二噁英或有機污染物,會影響胎兒智力發展。所以,靚媽並唔會日日食魚或飲魚湯。建議每星期食魚兩至三次好了,而且食魚個日亦唔會飲魚湯,唔好偏重於某單一食物就自然會安全啦。不過,湯水確實對孕婦好重要,靚媽都堅持一星期最少飲4至5餐,其實唔一定飲魚湯或老火湯,滾瓜菜湯或蕃茄湯都好有益!

(外出吃):因為外出晚餐多跟朋友聚會,很難全部選擇自己喜愛吃既食物,而且一定會比較油膩及多肉少菜,所以記得午餐一定要清淡。外出晚餐,靚媽盡可能都叫少油少鹽,甚至走豉油。至於食咩,其實靚媽咩都會食,但太咸太辣太甜就會少食,如果今餐食得太多肉,第二日就會加多少少菜同水果。

晚飯後:孕婦好多時都會肚餓,但都唔可以食得太多,亦唔可以餓住個肚。如果臨瞓前肚餓,靚媽會飲支低糖豆漿/低脂鮮奶,同埋食d梳打餅。

8

大家無睇錯,懷孕期靚媽係會食5至6餐,奉行少食多餐。記住絕對唔可以肚餓先食野,早餐後及下午茶既輕食一d都唔可以忽視㗎!依兩餐要食有營養既小食,係俾BB額外既營養。

靚媽懷孕期食得最多就係牛肉、牛奶、蛋同水果(特別係牛油果),亦都覺得係最長胎既食物。有好多孕媽懷孕後就戒食牛肉、鴨、鵝,但靚媽覺得每樣食物都有營養,如果媽媽本身無對依d食物敏感或不良反應,亦無須因為懷孕而戒食。靚媽認為懷孕一定要有均衡飲食,每樣食d,唔好偏重某一樣食物,就會安全同埋比多d唔同營養BB吸收。

清胎毒?

靚媽既中醫知道靚媽係開刀既,亦知道靚媽唔會成日食煎炸野,所以叫靚媽唔駛食咩去胎毒既食物,亦唔贊成自行購買坊間既去胎毒藥方。不過,靚媽偶然都會飲下腐竹蛋糖水滋養一下。生產前大約飲過3次。

以上就係靚媽於懷孕時既飲食秘訣。雖然未必適合每一位孕媽,不過希望幫到各位想養胎既瘦媽。再講,BB既磅數唔代表一切,亦唔需要跟其他媽媽作比較,不論大隻B或細碼B,健康才是最重要。

9

(以上餐單可能不適用於患有妊娠糖尿病、對堅果敏感孕婦)


==================
beautyma作者:靚媽湊B記

一位全職靚媽,對育兒有自己的個人看法,不隨波逐流,不約定俗成,深信媽媽的眼界與堅持是成就每一個快樂寶寶的重要元素。