【水火不容?】開刀媽順產媽-靚媽@我愛Mama の 人氣爸媽Blogger

【水火不容?】開刀媽順產媽-靚媽@我愛Mama の 人氣爸媽Blogger


前言:靚媽生左女女已經差不多有兩個月了,仍有人對於靚媽開刀既決定有著自己的見解,產後的我,仍聽到有人跟我說 “哎呀!你做咩開刀呀!”。其實,生產後,還問這些問題,是想要甚麼答案呢?

有睇開媽媽forum或媽媽谷既朋友,都可能發現,順產媽開刀媽,人奶媽奶粉媽像水火不容。其實每人的選擇都應受到尊重,每位勇於以身體孕育生命既媽媽,都是堅強和偉大的
*************************************

有很多媽媽都inbox靚媽問開刀既感覺同產後感,今次開post,就講講我的個人感受啦。

靚媽未懷孕時,已經決定要開刀生BB。當靚媽決定要開刀生BB,批評聲音不絕於耳。批評來不開幾點:開刀對BB呼吸道差D,會有疤,復原慢等。

現實生活很多人總持著自己既觀點,向別人罔加批評。曾於媽媽網看到,有人批評決意開刀既準媽媽說“怕痛就唔好學人做媽媽”,“生得就預左痛”等涼薄的說話。其實開刀既媽媽,瞓係手術枱上,在脊骨上打一針,肚上開一刀都需要無比既勇氣。

你問靚媽點解要開刀生B? 怕痛? 不是怕痛,而是怕等待未知,怕那種恐懼感蓋過喜悅既心情,而錯過享受人生難得既生產體驗。當然還有自己既理由。 靚媽認為沒有人可以為自己既人生下決定,只有自己才知自己既需要同身體和精神狀態。靚媽每次俾人問點解要開刀,我只會答一句 :“這是我的選擇。”

開刀BB呼吸道差?
靚媽見過兒科醫生,向醫生求證開刀順產BB出世後的分別,特別是呼吸道問題。兒科醫生說靚媽看得太多網上傳言,其實順產BB出世被產道壓迫後,肺部積水會減少;開刀BB出世無經產道既壓迫,肺部水份相對順產多,但出世後水份會排走,所以順產開刀既BB係出世後呼吸道並無分別,莫信謠言。

開刀復原慢?
靚媽身子一向不算強壯,預左開刀後會有點side effect。靚媽開刀個日,因為打左止痛針,瞓足全日外,傷口係完全無痛過。第二天已經落床同食飯,第三天已經可以行去餵奶。開刀後第4天已經拆線出院。回到家,有陪月一日三餐既照顧,即使靚媽每天24小時照顧BB,都無疲勞感,尚算ok。只係唔可以踎底同BB沖涼,同埋唔可以咁快補身。

疤痕?
其實產後一星期已經去左覆診,要打開膠布檢查傷口。進房個刻,靚媽都已經準備好要接受身體會出現疤痕。醫生洗完傷口後,叫靚媽照鏡,靚媽吸了一口氣,鼓起勇氣看。我問醫生:”哪裡是疤痕? ”他指給我看,就是一條像給A4紙壓到既痕跡。感動得差點流淚。其實就算有疤痕,靚媽都唔會介意,因為這是BB出生既印記。

其實無論選擇甚麼方式生產,最重要是能夠享受陀B同生B既樂趣與喜悅。作為媽媽,育兒路漫漫,還是跟著自己想走的路而行好了。

==================

2鳴謝:靚媽湊B記

年輕靚媽一名,熱愛扮靚美容,喜歡網上分享生活瑣事。擁港大語言學碩士,屬真藝文青,對發表言論一絲不苟。