【Mama心聲】每個媽媽必有過的經歷!「天使與魔鬼」的化身 Trouble Two

【Mama心聲】每個媽媽必有過的經歷!「天使與魔鬼」的化身 Trouble Two


早聞好多父母分享子女Trouble two既煩惱,靚媽靚爸前數個月,對於靚B Trouble two既升級,感到趕不上節奏。靚媽靚爸經過近幾個月既訓練,終於懂得調適自我,對靚B突如其來既脾氣,找到應付既方法。

1. 要say no

十樣有九樣事情,包括:換衫、沖涼、換片、出街、回家、吃飯、洗手………第一聲是 :「唔好」。每叫她做每件事,都要花最少十分鐘,做游說工作,軟硬兼施。要她說yes,自動去做,樂意聽話去做,變成我每天24小時鬥志鬥力的任務。

2. 愛自我

由穿衣、食物、玩具等都要自己選擇。甚至連一雙襪,都要自己親自揀選,才可出外,要不然你要花上起碼半句鐘時間跟她糾纏。那些無傷大雅的事,就任由她拿主意,給她尊重和信任。不過,凡事有底線,觸及安危是非之事,又要拿出媽媽前所未有既EQ及耐性,情理兼施,至完全說服。

3. 懂撒嬌

凡遇到不稱心既事,都會大叫 :「媽媽、媽媽」,她要尋找庇護和關愛。這幾個月,靚媽沒有一刻可以離開靚B視野範圍。雖然有點倦,亦辛苦了靚爸,放工後要煮飯做家務。靚媽一方面會順應靚B既要求,佢需要媽媽,媽媽永遠都在;另一方面,一有機會就不動聲色給靚B予靚爸及家人互動。我一直不會拒絕靚B對媽媽既需要,特別是擁抱,無限既愛與包容是成就BB將來成為一個有自信、愛自己、懂獨立既人最關鍵既元素。

要讓Touble two 既BB減少哭鬧,要他們學會表達及聆聽是最佳的方法。經過一個月既互相訓練,靚B學會表達自己,懂得分冷熱、上下左右來示意,會說什麼不要什麼,哭鬧似乎減少了。

聽說父母用什麼管教方法,將會是小朋友將來用來解決事情的方式。父母喜歡打打鬧鬧,小朋友就會認為打鬧是解決問題的方式。靚媽看到靚B扭計,有時心中冒火,但只要深呼吸3秒,再幻想未來靚B大了,會是怎樣的人,就教我學會冷靜。

有人笑我跟未夠兩歲既靚B說道理。記得數日前,靚媽一人帶著靚B到商場,靚B一定要自己行,不斷鬆開靚媽手,還想哭。我蹲下身,跟她說: 「你看看這商場多大,人這樣多,好容易走失,不見了媽媽怎麼辦?」她望一望我雙眼,然後默默拖著我的手往前行。是呀,全職媽媽帶B很攰,但那一刻我有一種感動,覺得自己的努力及堅持沒有白費。靚B漸大,我跟她多了認識,多了默契,多了包容及愛。

這兩個月,在沒有工人姐姐、靚婆婆腳傷不能幫忙、靚爸公務繁忙下,靚媽既私人時間,近乎零。當我偶有情緒低落,排山倒海既家務令我喘不過氣,我會想 :「靚B的成長只有一次,每一段光陰都極為珍貴,過一段時間,這段累極了的日子,又是我們家一個難忘既回憶」。

終於明白老人家喜歡話當年,是因為有些記憶無論是甘是甜,回過頭來,總是令人懷念。有時回想起靚B頭三個月,每晚不眠不休,換片、泵奶、洗樽、餵奶既日子,原來是如此短暫,看看照片,我倆好像沒變,再看靚B既變化,才意識到自己老了很多,每一天過得很快,眨眼,靚B兩歲了。你整天 :「媽媽抱、媽媽抱。」的日子,很快會變成 :「媽媽我自己行可以了」。

所以,靚媽亦走出自己的安全島,決意不給你上N班,多帶你往不同地方接觸,享受學前生活。縱使有時需要獨自一人帶著你到處去,靚媽會變成大媽打扮,面對你突如其來發難地,但我已經準備好接受挑戰。Trouble two是你人生第一個反叛期,我跟靚爸會一直堅守初心,要你快樂健康成長。

#全職媽媽是這樣的

#23個月人仔

#新挑戰

==================
beautyma作者:靚媽湊B記

一位全職靚媽,對育兒有自己的個人看法,不隨波逐流,不約定俗成,深信媽媽的眼界與堅持是成就每一個快樂寶寶的重要元素。