【新學期齊來挑選白運動鞋,專業足病診療師教大家揀小童運動鞋】

【新學期齊來挑選白運動鞋,專業足病診療師教大家揀小童運動鞋】


每次睇到小朋友嘅鞋仔都心心眼,人仔細細啲鞋咁靚,不過小朋友嘅腳仔始終未發育好,揀咗啲唔啱嘅運動鞋俾佢地著好可能會影響到佢地架!無論係「爪形腳趾」、「腳甲變形」定「扁平足」,做人媽媽梗係唔想細路有病痛啦,咁到底應該點先可以揀到啱佢地嘅運動鞋,等佢地返學上堂可以舒服又令腳仔生長得好呢?今次就等專業足病診療師劉庭耀解答下各位揀小朋友運動鞋嘅問題啦!

fixed_1專業足病診療師劉庭耀 

Q1. 小朋友腳仔大得快,應該買大幾多嘅運動鞋俾佢地著呢?
正常情況下,家長唔應該買大多過一碼嘅鞋俾小朋友著。買過大嘅鞋會對小朋友嘅足部發展有影響,因為小朋友穿著時腳趾會向前衝,向前衝同時就會令佢地嘅腳趾抓起,道理就好似女士們著高踭鞋一樣。正正因為小朋友嘅肌肉同埋關節尚未成熟,如果腳趾長期屈曲嘅話會造成永久性嘅問題,例如前腳掌生厚繭同死皮。

Q2. 小朋友相比大人行路及活動時間較少,係咪唔需要大人嗰啲咁多功能嘅運動鞋?
我地一般會分兩個階段,以6歲為分界線。6歲前嘅小朋友走動時間唔算多,腳部關節同肌肉未成熟,其實唔太需要著功能性嘅鞋,只需要一對較軟嘅運動鞋,等腳仔可以感受到地面嘅衝擊力,咁樣反而仲可以刺激到腳部肌肉,變得更強壯。相反六歲後小朋友行路同活動時間比大人多,結構關節開始變得成熟嘅時候,先需要著有少少功能性嘅運動鞋嚟保護雙腳。

Q3. 小朋友應唔應該著近年好興嘅兒童健康鞋或矯形鞋呢?
一般嚟講健康鞋同矯形鞋都係想幫助我地雙腳,但係俾小朋友著嘅時候就需要留意係咪真係有需要。有冇需要視乎小朋友雙腳有冇病徵,例如行得耐會唔會開始痛,甚至有扁平足或者腳趾歪及曲起嘅明顯病徵,有以上情況的話就需要著健康鞋或矯形鞋。

Q4. 市面上有緩震功能中底嘅鞋有咩作用?
其實緩震功能中底嘅鞋主要係提供俾腳仔嘅舒適感,我地揀鞋會著重兩樣野:結構上嘅保護以及舒適度。如果成對鞋硬繃繃會好容易刮腳同影響小朋友嘅骨骼成長,所以揀有緩震功能中底嘅鞋,小朋友著上去就會比較舒服。除此之外,有緩震功能中底嘅鞋可以幫小朋友卸去由腳踭上到膝頭,再上去盤骨嘅壓力,避免小朋友嘅脊椎同膝頭受傷。

Q5. 緩震功能嘅鞋同緩震功能中底嘅鞋有咩分別?對小朋友嘅腳仔又係好定壞呢?
其實緩震功能嘅鞋泛指全對都有緩震功能,而緩震功能中底嘅鞋就係只係鞋嘅中底部分有緩震功能。
通常我地唔太建議小朋友著成對都有緩震功能嘅鞋,因為小朋友唔需要過多緩震功能,著咗反而更加容易跌親,甚至難於支撐成個骨架。如果小朋友有扁平足、入字腳、X形腳呢啲比較明顯嘅足部問題,就有機會要著呢類嘅鞋嚟保護佢地,不過最好都係檢查過先。
而另一款緩震功能中底嘅鞋基本上適合大部分小朋友,因為舒適得嚟可以減低脊椎同膝頭受傷。始終小朋友嘅柔軟度比較高,所以未必需要成對鞋都係軟身,如果著咗對太軟身嘅鞋反而會增加佢地扭傷同跌親嘅機會。

Q6. 隔幾耐或者點樣去睇下對鞋仔仲啱唔啱小朋友著?
要視乎小朋友腳形同埋生長速度。可以聽返小朋友著住對鞋跑步或行路時會唔會有「啪啪」聲,如果有的話,其實對鞋嘅物料已經被破壞,同埋當然都要睇返腳踭位嘅磨蝕程度啦。最後就留意下小朋友除鞋之後,腳趾面會唔會紅哂,如果係嘅話就已經頂趾唔啱著架喇!

Q7. 咁有咩揀運動鞋嘅小tips呢?
-有魔術貼或綁帶,可取式鞋墊
盡量揀啲有魔術貼或者綁帶嘅鞋款,另外本身自家鞋墊可以拎到出嚟嘅鞋,設計上同要求度會較高,質素亦會高啲。甚至日後如果發現小朋友腳仔有問題,需要造一啲矯型鞋墊嘅話,隨時都可以換得到。

-用媽咪姆指量度
至於Size方面,好多家長幫小朋友揀鞋嘅時候,會用一隻手指插喺腳踭後面,其實應該小朋友著咗對鞋之後,我哋擺喺腳趾前面嘅位置量度。媽咪4分3姆指寬度為之最理想。因為我哋要對應返腳掌最闊個位置同直鞋最闊嘅位置,咁先可以揀啱鞋仔架。

-唔好洗小朋友嘅運動鞋
一洗任何運動鞋,運動鞋功能嘅物料就會被破壞咗七、八成,所以我哋唔應該洗鞋,反而係就咁將鞋墊拎出嚟,淨係洗個鞋墊。

螢幕快照 2018-07-20 下午6.55.18 copy
一個學年嘅完結亦代表住家長又要準備搜羅小朋友嘅返學用品。尤其係小朋友嘅鞋,因為經常跑跑跳跳、腳仔又大得快,要換新鞋在所難免。New Balance 新推出嘅Back To School 系列就啱哂小朋友返學〜

螢幕快照 2018-07-20 下午6.57.01 copy
系列中嘅680鞋款有New Balance專利嘅Abzorb吸震技術可以減低脊椎、膝蓋、腳踝受傷,著得舒服之餘,腳仔仲夠哂靈活自在。另外仲有強化橡膠耐磨外底,因為細路唔會同你錫住對鞋嚟著架~夠襟磨先係皇道!

螢幕快照 2018-07-20 下午6.58.07 copy
另一款373就配合EVA泡棉緩震中底以及網料鞋面,同時係經典鞋款373嘅外型,長青款得嚟絕對唔會缺乏功能性。魔術貼嘅設計方便小朋友自己穿脫,備有小童及中童尺碼,照顧唔同年紀嘅需要

螢幕快照 2018-07-20 下午6.59.20 copy
現凡購買 Back To School 系列任何鞋款,可獲贈顔色筆套裝乙份,送完即止!

小朋友喺六歲之前腳部都未完全發育好架~所以媽媽們揀鞋嘅時候記得要留意以上嘅重點,記得我地選購運動鞋嘅小貼士喇!

了解更多:New Balance Back To School 系列發售點