【8m+ BB食譜】零失敗BB點心—南瓜千層糕

【8m+ BB食譜】零失敗BB點心—南瓜千層糕


南瓜千層糕,整岀黎好似酒樓食千層糕咁,咁去飲茶既時候,大人食酒樓點心,BB都可以食自己既千層糕啦

 

材料:

中筋麵粉 330g

南瓜200g

天然南瓜粉 10g (可購於烘培店)

鮮奶 135g

黑糖 10g

酵母 3g

油 8g

 

做法:

1將油、鮮奶、中筋麵粉、黑糖、南瓜粉和酵母加入麵包機搓麵團(不用發酵)

2南瓜洗淨切粒蒸約15分鐘蒸熟

3南瓜蒸好後倒走多餘水份,然後壓成蓉,將80g麵粉過篩加入南瓜蓉攪拌均勻備用

4麵團搓好可放室溫5分鐘令麵團鬆馳,用棍將麵團壓成長方形,然後上下左右對折再碌,重覆8-10次,令麵團更有層次。將麵團碌平到大概2mm厚既正方形,左邊1/3平均𠝹兩刀,右邊1/3平均𠝹兩刀,完成後望上去好似將麵皮分左9份。喺最底果行中間一份鋪上薄薄一層南瓜餡,然後將左邊一份蓋過去,再喺上面鋪上薄薄一層南瓜餡,將右邊一份蓋過去,再喺上面鋪上薄薄一層南瓜餡,完成最底呢行後成份蓋上去上一行,重覆上面做法,直至蓋上最後一份,變成一個大饅頭,最後要把邊位揑實

5蒸盤放在蒸鍋中鋪上牛油紙,把千層糕放左蒸盤上蓋上蓋發酵約1小時至1.5小時,直至發酵至1倍大

6中大火蒸25分鐘

7 開蓋前先用一隻筷子墊高煲蓋,漏一條小縫隙令煲內熱空氣慢慢變冷,5分鐘後才拿走煲蓋,麵包表面會較光滑

8稍為放涼後可以切件

 

如果不用麵包機的做法:

1將鮮奶加熱至40度開酵母直至鮮奶酵母表面出現濃密的泡泡,然後將油、中筋麵粉、黑糖、南瓜粉和鮮奶酵母攪勻搓好,就可以繼續後面的步驟

====================

dutchB_pro喺香港土生土長既港女遇上了喺荷蘭土生土長既港男,多左個荷b仔黎到我地既世界。一向工作至上既媽媽毅然辭職全職湊B,為左呢個為食豬要努力準備好一日幾餐,務求喺香港定荷蘭都可以滿足大少既食慾!<我家有個荷b仔>記錄了荷b仔既BB食譜同生活點滴,亦樂於同大家分享育兒心得!

FB:我家有個荷b仔