【鄭小B】解熱氣滋潤湯水-無花果准山【救命水】

【鄭小B】解熱氣滋潤湯水-無花果准山【救命水】


樂樂媽生左粒大痱兹,下唇腫埋,幾日都未好番,個人都dry 埋,今日即刻煲嚟降降火。

功效:溫和潤燥,滋潤皮膚,降火,清熱生律,健脾開胃,修復口腔潰瘍,喉嚨腫痛,同時有潤腸通便作用。傷風感冒,都可以飲。

呢個救命水樂樂媽時常都會煲一大煲,8個人飲,滋潤下,雪凍飲都好正!

感謝樂樂媽幫襯開嘅海味雜貨鋪教路。

食譜 (四人分量):

美國大大粒無花果 半磅
生曬淮山 8-10塊
陳皮 半個
南北杏 適量

1. 無花果洗淨,剪開一半。
2. 淮山洗淨備用。
3. 陳皮用凍水浸至軟身,刮去白色囊。
4. 南北杏洗淨,用清水浸十分鐘,隔水備用。
5. 預備18碗水,陳皮隨凍水落,水滾後,將其余材料放進,大火滾十分鐘,轉慢火煲一小時四十五分鐘,完成。

注意事項:
1.服食舊式薄血丸或植入了人工心瓣人士,避免使用淮山
2.生曬淮山不經硫磺燻過,不會有酸味,也可避免硫磺引起皮膚敏感。 不建議使用新鮮淮山,因帶有黏液,會令湯水變黏口。
3.糖尿病患者必須減少無花果分量
4. 紫花果同黃色的無花果一樣,紫花果特別含有花青素,有抗氧化及保眼功效

=====================

WhatsApp Image 2017-06-28 at 13

80後新手全職媽媽,洗衫買餸煮飯家務湊B一手包辦。為了兩位老闆健康,努力學習鑽研三餐、湯水、小吃、甜品。見到你倆食得開心滿足,就是媽媽的推動力及鼓勵!<鄭小b之成長日誌> 記錄了小b飲食,還有小b一些成長點滴。

Facebook page: 鄭小b之成長日誌