【Holidaymama】行山為慈善!奧比斯「步步獻光明」慈善步行

【Holidaymama】行山為慈善!奧比斯「步步獻光明」慈善步行


我地剛剛星期日,參加咗奧比斯「步步獻光明」慈善步行~

今次呢個步行籌款,其實 適合所有年齡參加,大家可以攜老帶幼,家長亦可以推BB車一齊行~

沿路經過大潭水溏,風景真係超靚,我地其實係一邊行 一邊玩 一邊影相~

當我地終於遇上一條大斜路時,亦同時距離終點不遠⋯⋯

有回程參加者不斷同我地 打氣 :「加油呀,仲有15分鐘左右到㗎喇~」

上山時,小姐初初不停問:「 幾時有平路呀?」

我話 :「唔好問,向前行,你愈在意,你就愈辛苦,當你能夠忍耐,默默完成後,你會覺得是值得的!」

結果一上到去,再送多一個超美的景色,加上小姐嘅表情~~我諗⋯⋯佢會明白呢個道理的!!!

完成整個6k路線之後,可以參與終點站舉行的嘉年華會,包括充氣彈床迷你樂園、大型吹氣滑梯、親子遊戲手工藝工作坊、親子競技比賽、繽紛扭氣球天地⋯⋯等等 (而且禮物都好豐富㗎) 真係一個

好好好好好玩的親子活動~~

後記: 本身中途叫好累的大爺,回程搭車返屋企時,竟然!同我講:「老婆呀,不如我能下年再參加呀~」

我同小姐猛力點頭~~ 一個充滿著愛的活動, 所有人為著同一個目標進發,當日正能量係滿分㗎~

雖然今年活動已經完滿結束,但都想分享一d參與後嘅小心得比大家,等大家下年想參加的話,可作參考~

小貼士:

~免費穿梭巴士往返大潭及中環8號碼頭

~免費三文治作午餐(包小食&飲品),亦有嘉許獎狀及禮物包 (記得去拎,好靚㗎)

~可以的話,帶一張野餐墊,完成步行路線後,可以坐係草地上慢慢食野同休息~

~嘉年華會實在太多嘢玩(正),所以大家都預留番多d時間(MaMa我係大潭上水塘影相影左好耐,下年我會好好分配時間㗎喇~~(哭) XDDDD)

 

===================

活動日期:2018年3月4日(星期日)
活動網站:www.orbis.org/hkwalkforsight
查詢電話:2595 0263
活動內容:完成步行後,備有免費三文治餐盒、舞台表演及充氣歡樂堡及「睛」彩嘉年華

下年再參加!

=====================

mama propic

80後在職媽媽,返工、放工、煮飯、湊女|雖然好忙,但仲係擁有人顆熱烘烘 の 港女的心|食、買、玩、係我既生活動力~|你估….工作與家庭之間平衡得好, 一D都唔容易Ka>.<|一齊分享工作、家庭、生活瑣碎趣事,在忙碌之中輕鬆一下~

Facebook page: 在職mama好地坊